Bankterdiń aınalymdaǵy bos aqshasyn ekonomıkaǵa jumsaý kerek!

295

«Aq jol» partııasy bankterdiń aınalymdaǵy bos aqshany ekonomıkaǵa jumsaýyn talap etedi. Ol úshin – Ulttyq bankten beriletin notalardy shektep, ekinshi deıńgeli bankterdiń kirisin azaıtý kerek. Bul týraly Azat Perýashev Májiliste bıýdjetaralyq qatynastardy jaqsartý jónindegi zańnamany talqylaý barysynda aıtty. Atalmysh zańnama boıynsha shaǵyn jáne orta bıznestiń korportıvtik tabys salyǵynyń paıdasy jergilikti bıýdjetke túsetin bolady. Bul óz kezeginde jergilikti atqarýshy organdardyń shaǵyn jáne orta bıznesti damytýǵa qyzyǵýshylyǵyn arttyrady.  

«Ekonomıkany damytý úshin shaǵyn jáne orta bıznestiń korporatıvtik tabys salyǵyn jergilikti bıýdjetke ótkizý jetkiliksiz. Óıtkeni, qarjylyq, ınvestıııalyq jáne salyqtyq saıasat syndy tetikter ortalyqta ornalasqan», - dep atap ótti Azat Perýashev. 

Ekonomıka mınıstri spıkerdiń kásipkerlerdi ekinshi deńgeıli bankter arqyly nesıelendirýdi aktıvızaııalaý týraly suraǵyna jaýap bere almady. Ekinshi deńgeıli bankter kásipkerlerge qoldaý kórsetýdiń ornyna, Ulttyq Bankke 9% ústememen notaǵa aqsha salýdy jón kóredi. Nátıjesinde, olardyń nesıe mólsherlemeleri Ulttyq Bank notalarynan áldeqaıda joǵary bolyp otyr. 

Máseleni sheshý úshin Ekonomıka mınıstrligi Ulttyq Bankpen birlese otyryp, ekinshi deńgeıli bankterdiń nota alýyna shekteý qoıý kerek. Sol kezde ekinshi deńgeıli bankter ózderine kásipkerlerdi tartýǵa múddeli bolady. Olardyń qarajaty memlekettiń bank sektoryn qoldaý aıasy sheńberinde nemese ulttyq kompanııalardyń depozıtterinen keletindikten, olar memleket paıdasyna jumys isteýi kerek. 

Azat Perýashev: «Únemi shaǵyn jáne orta bıznesti qoldaý jóninde aıtylǵanymen, barlyq jeńildikter orta kásipkerlikti aınalyp ótedi. Bul týraly Memleket basshysy óziniń qyrkúıektegi Joldaýynda da aıtqan bolatyn», - dedi. 

Eger ınvestıııa iri bızneske quıylyp, al salyqtyq jeńildikter shaǵyn jáne mıkro bızneske qarastyrylǵanyn eskersek, orta bıznes olardan shet qalýda. Sondyqtan, orta bıznes úshin de ońtaıly jaǵdaı oılastyrylyp, salalyq qosymsha qun salyǵy mólsherlemesi sekildi jeńildikter qarastyrǵan jón. 

Ekonomıka mınıstri orta bıznestiń shaǵyn bızneske aýysý qaýpin joqqa shyǵaryp otyrǵanymen, elimizdegi kásiporyndardyń sany 8,7 myńnan 2,5 myńǵa túskenin aıtý kerek. Bul 3 ese kemidi degen sóz. 

Orta bıznesti qoldaý arqyly jastarǵa jumys oryndaryn ashyp, salyq bazasynyń rezervin keńeıtip, tengeniń turaqtalýyna septigin tıgizemiz. Osyǵan oraı, Úkimetten atalǵan usynystardy eskerýin suraımyz, - dedi partııa jetekshisi. 

«Aq jol» partııasynyń baspasóz qyzmeti

 

Pikirler