Qazaq ádebıetinde Esenberlınge deıin de uly, aqyn, jazýshylar boldy, alaıda tarıhı romandy jáne sol romannyń júıesin qazaq ádebıetine Esenberlın engizdi Elordamyzda QR Ulttyq mýzeıiniń konert zalynda kórnekti jazýshy Ilııas Esenberlınniń 100 jyldyq mereıtoıyna arnalǵan saltanatty is-shara bolyp ótti.
QR Mádenıet jáne sport mınıstrliginiń uıymdastyrýymen ótken sharaǵa qoǵam qaıratkerleri, tarıhshy jáne ádebıetshi ǵalymdar, buqaralyq aqparat ókilderi qatysty. Atalǵan shara barysynda ǵylymı-praktıkalyq konferenııa uıymdastyrylyp, jazýshynyń kitaptarynyń kórmesi halyq nazaryna usynyldy. Ǵylymı-praktıkalyq konferenııaǵa I.Esenberlınniń murasyn zertteýshi tarıhshylar, Qazaqstannyń bedeldi bilim ordalarynyń ǵalymdary men professorlary atsalysty. Is-sharanyń qadirli qonaqtary Memleket tarıhy ınstıtýtynyń dırektory, tarıh ǵylymdarynyń doktory, professor Búrkitbaı Aıaǵan, jazýshy, «Otyrar kitaphanasy» ǵylymı-zertteý ortalyǵynyń dırektory, fılologııa ǵylymdarynyń doktory Tursyn Jurtbaı, Memleket tarıhy ınstıtýty dırektorynyń orynbasary, tarıh ǵylymdarynyń kandıdaty Amangeldi Qashqymbev, ataqty jazýshynyń uly, tehnıka ǵylymdarynyń kandıdaty Qozykórpesh Esenberlın, jáne basqalar Ilııas Esenberlınniń shyǵarmashylyǵy, eńbekteriniń qoǵamdyq jaǵdaıǵa áseri men Qazaqstan tarıhynda alatyn erekshe orny týraly oılarymen bólisti. Qozykórpesh Esenberlın ákesiniń 100-jyldyǵyn uıymdastyrýǵa atsalysqandardyń barlyǵyna rızashylyǵyn bildirdi. «Ilıas Esenberlın árdaıym ǵylymı izdeniste boldy jáne bizdi-de sol ǵylymǵa tartty. Sondyqtan jastardy bilýge, oqýǵa shaqyramyn, óıtkeni tek shynaıy bilim ǵana adamdy eń bıik belesterge jeteleıdi», - dep sózin qorytty zańǵar jazýshynyń uly Q.Esenberlın. Zertteýshi ǵalym, f.ǵ.dǵ., professor Tursyn Jurtbaı óziniń kezekti baıandamasyn oqı kele, qazaq ádebıetindegi tarıhı romannyń júıesin engizgen jazýshy I.Esenberlın bolatyn dedi. «Qazaq ádebıetinde Esenberlınge deıin de uly, aqyn, jazýshylar boldy, alaıda tarıhı romandy jáne sol romannyń júıesin qazaq ádebıetine Esenberlın engizdi», - dedi T.Jurtbaı. Ilıas Esenberlınniń 100-jyldyǵyna oraı uıymdastyrylǵan shara sońy elimizge tanymal sahna sheberleriniń qatysýymen ótken saltanatty konertke ulasty. Ilııas Esenberlın - qazaq ádebıetiniń órkendeýine eleýli úles qosqan, qazaqtyń kórnekti jazýshysy. Qazaq ádebıetinde alǵashqy bolyp tarıhı zerde tamyryna qan júgirtip, «Kóshpendiler», «Altyn Orda» trılogııalarymen ult rýhyn tiriltken qalamger. Jazýshynyń qalamynan týǵan «Ǵashyqtar», «Qaterli ótkel», «Mańǵystaý maıdany», «Altyn attar oıanady», «Kóleńkeńmen qorǵaı júr», «Alystaǵy arpalys», «Aqqý qustar qýanyshy», «Mahabbat meıramy» romandary, óz zamanynyń ózekti taqyrybyndaǵy «Altyn qus», «Aıqas» kitaptary tyń taqyrypta jazylyp, qazaq ádebıetine serpin ákelgen, oqyrman súıispenshiligine bólengen týyndylar bolyp tabylady.
e-history.kz
