Qaraǵandy qalasynda 4 qarashada jańa jyl túni "Drevnıı Rım" meıramhanasyndaǵy tóbeles boıynsha sot úkimi shyqty. Osy tóbeleste 23 jastaǵy jergilikti turǵyn Rahymjan Janseıit qaza bolǵan edi.
Aıyptalýshy 23 jastaǵy Iýsıf Nýrýlýdy sot kináli dep tanyp, 19 jylǵa bostandyǵynan aıyrdy. Úkim shyqqan kezde densaýlyǵy nasharlaǵan Nýrýlýdyń anasyn dálizge áketti. Ol ulynyń kinásizdigin aıǵaılap aıtty.
Qylmystyq is boıynsha barlyǵy 13 adam sottaldy. "Buzaqylyq jasady" dep aıyptalǵan 12 adamnyń tórteýiniń árqaısysyn 3 jylǵa bas bostandyǵynan aıyrdy. Alty aıyptalýshynyń bostandyqtary tórt jarym jyldan shekteldi. Jábirlenýshi tarappen bitimge kelgen eki adam qylmystyq jaýapkershilikten bosatyldy. Sottalǵan tórt adam, úsheýi Armenııa, bireýi Ózbekstan azamaty jazasyn ótegennen keıin Qazaqstan aýmaǵynan shyǵarylatyn boldy jáne ári qaraı bes jyl boıyna Qazaqstanǵa kelýge tyıym salyndy.
Tergeý men sot poesi kezinde kepilmen bostandyqta júrgen aıyptalýshy . Ilıany sot zalynan qamaýǵa alý týraly sheshim shyǵardy. Úkim sátine qatyspaǵan . Ilıaǵa jeke qaýly shyǵarylady.
Buǵan deıingi jaryssóz kezinde prokýror 23 jastaǵy Rahymjan Janseıitti óltirdi dep aıyptalǵan Iýsıf Nýrýlýny 20 jylǵa bas bostandyǵynan aıyryp, aıryqsha tártiptegi túzetý kolonııasyna jiberýdi, qalǵan 12 aıyptalýshyny alty jylǵa bas bostandyqtarynan aıyryp, jalpy rejımdegi túzetý kolonııasyna jiberýdi suraǵan bolatyn.
Aıyptalýshylardyń keıbiri taǵylǵan aıypty ishinara, keıbiri tolyq moıyndaǵan. Oqıǵa kezinde qaza bolǵan Rahymjan Janseıittiń ákesi 30 mıllıon teńge moraldyq ótemaqy alǵanyn aıtqan.
«Drevnıı Rım» meıramhanasyndaǵy tóbeles pen kisi ólimi jaıly sot proesi qyrkúıek aıynda bastalǵan. Rahymjan Janseıittiń denesi 1 qańtarda, meıramhanadaǵy tóbelesten keıin birneshe saǵattan soń tabylǵan. Aıyptaý aktisinde onyń qan ketip qaıtys bolǵany kórsetilgen. Buryn tergeý barysynda Rahymjan Jaıseıitti birneshe adam jabylyp uryp, pyshaqtaǵany aıtylǵan. Tóbeles kezinde barlyǵy bes adam pyshaqtalǵan.
Aıyptaý málimetine qaraǵanda, tóbeles kezinde eki aıyptalýshy pyshaq qoldanǵan. Iýsýf Nýrýly úsh adamdy, G. Narek eki adamdy pyshaqtaǵan. G.Narekke osy oqıǵadan keıin izdeý jarııalanyp, Reseıde ustalǵan. Áli Qazaqstanǵa ekstradıııalanbaǵan G.Narektiń isi bólek qaralady.
"Drevnıı Rım" meıramhanasyndaǵy jappaı tóbeles pen kisi ólimi Qazaqstan qoǵamy men keıbir shetelde túrli reakııa týdyrǵan. Áleýmettik jelilerde "tóbeleske armıan dıasporasynyń ókilderi qatysty" degen aqparattar taraǵan. Qazaqstan bıligi men Armıan bıligi muny "turmystyq janjal" dep atap, "ult aralyq qatynas" dep sıpattamaýǵa shaqyrǵan.
