Zańsyz qurylys - jaýapsyz qylmys

3636
Adyrna.kz Telegram

24 qazan kúni Qoǵamdyq keńestiń kezekti otyrysynda Shymkent qalasy sáýlet jáne qala qurylysy basqarmasynyń basshysy orynbasarynyń mindetin atqarýshy Á.Lesbekov esep berdi. Atalǵan basqarmanyń jumysyna qatysty birqatar syn aıtyldy. Jıyn barysynda Shymkent qalasynda 1000-nan astam nysannyń qurylysyn jumystarynda zańsyz áreketge jol berilgeni belgili boldy.

Búgin zańsyz jumystardyń sebebin bilý úshin sáýlet jáne qala qurylysy basqarmasynyń orynbasary Arhabaev Nurlandy qabyldadym. Belgili bolǵandaı, myńnan asa nysannyń zańsyz salynǵany jóninde qala qurylysyn baqylaý basqarmasyna 70-ten asa tıisti hat jazylǵan.

Alaıda ol hattar «GASK-ke» barmaǵan. Naqtyraq aıtsaq Shymkenttegi qala qurylysyn baqylaý basqarmasynyń basshysy Berik Dúısenovke jetpegen. Mysaly, myna sýrettegi nysandardyń qujattary bolmasa da qabyldanyp qoıǵan eken.

Bunyń bári qylmysty jabýdyń bir joly emes pe? Álde hattardyń tirkelmeýi basqarma basshysynyń jumysyndaǵy zańsyzdyqtardy jasyrý ma? Bul hattar negizinde qurylys nysandaryn baqylaýǵa alynyp, tekserilýi kerek. Al sáýlet jáne qala qurylysy basqarmasy zańsyz qurylystardy teksertýdiń ornyna ózderi zańsyzdyqtarǵa jol berýde.

Nege? Mysaly, bir qurylys nysanynyń jobalyq smetalyq qujattaryn ázirleýge, saraptama ótkizýge qomaqty qarajat (2 mln.teńgemen 20 mln.teńgeniń arasy) qajet. Sáýlet jáne qala qurylysy basqarmasy bolsa birde-bir qujatsyz qurylysty qabyldap júrgeni zańsyz, baryp turǵan qylmystyń ordasy emes pe degen oı keledi.

Joǵaryda atalǵan zańsyz qurylys nysandary, toıhana bolmasa bıznes ǵımarattary kúnderdiń bir kúninde qulap qalyp, adam shyǵynyna alyp kelmesine kim kepildik beredi?

Shymkent qalasynyń qala qurylysyn baqylaý basqarmasy, Shymkent qalasynyń prokýratýrasy, Shymkent qalasy ákimdiginiń apparaty jáne Sybaılas jemqorlyqqa qarsy is-qımyl ulttyq bıýrosynyń Shymkent qalasy boıynsha departamenti bul zańsyzdyqtarǵa tekserister júrgizýi qajet.

Nurǵazy Buharbaı,

Shymkent qalasy Qoǵamdyq keńestiń tóraǵasy,

máslıhattaǵy «Nur Otan» frakııasynyń múshesi.

Pikirler