"Aqymaq bolmańyzdar!" Tramptyń Erdoǵanǵa jazǵan haty jarııalandy

3145
Adyrna.kz Telegram
Turkey's President Recep Tayyip Erdogan (L) shakes hands with U.S President Donald Trump as they give statements to reporters in the Roosevelt Room of the White House in Washington, U.S. May 16, 2017. REUTERS/Kevin Lamarque - RTX363IT
Turkey's President Recep Tayyip Erdogan (L) shakes hands with U.S President Donald Trump as they give statements to reporters in the Roosevelt Room of the White House in Washington, U.S. May 16, 2017. REUTERS/Kevin Lamarque - RTX363IT

AQSh prezıdenti Donald Tramptyń Túrkııa basshysy Rejep Taıyp Erdoǵanǵa 9 qazanda joldaǵan haty jarııalandy. Hattyń kóshirmesin jýrnalıst Trısh Regan bólisti. Keıin Aq úı bul hatty Tramp jazǵanyn rastady.

Tramp hatynda "eger Ankara Sırııanyń soltústik-shyǵysynda áskerı operaııa bastasa, Túrkııa ekonomıkasyn joıyp jiberetinin" jazǵan.

"Eger barlyǵyn durys ári adamgershilikke saı jasasańyzdar tarıhta jaqsy attaryńyz qalady. Biraq is nasyrǵa shapsa, tarıhqa jaýyz bolyp enesizder. Aqymaq bolmańyzdar! Keıin habarlasamyn" dep jazǵan Tramp.

Trish Regan

@trish_regan

EXCLUSIVE: I have obtained a copy of ⁦@realDonaldTrump⁩’s letter to . ⁦@POTUS⁩ warns him to not “be a tough guy! Don’t be a fool!” Says he could destroy Turkey’s economy if is not resolved in a humane way. Details tonight at 8pm

View image on Twitter
9 qazanda Túrkııa Sırııanyń soltústik-shyǵysynda áskerı operaııa bastaǵan. Túrkııa prezıdenti Rejep Taıyp Erdoǵannyń sózinshe, bul operaııanyń maqsaty - "DAISh terrorlyq uıymymen jáne kúrdterdiń qarýly jasaqtarymen kúres". Ankara osy operaııa arqyly Sırııanyń soltústik-shyǵysynda qaýipsiz aımaq quryp, Túrkııadaǵy sırııalyq bosqyndardy osy aýmaqqa ornalastyrǵysy keledi.

Halyqaralyq aqparat agenttikteri 9 qazannan beri Sırııanyń soltústiginen 150 myń adam bosyp ketkenin habarlady. Túrkııa operaııa bastaǵan kúni Tramp ákimshiligi AQSh bul operaııaǵa qatyspaıtynyn málimdep, Amerıka áskeri Sırııanyń soltústik-shyǵysyn tastap kete bastaǵan.

Sırııalyq kúrdter – AQSh-tyń "Islam memleketi" terrorıstik tobymen kúreste negizgi seriktesi. Al Túrkııa kúrd jasaqtaryn "terrorlyq top" dep sanaıdy.

2016 jyly kúrdter Sırııanyń soltústik aımaǵyna baqylaý ornatyp, "Rodjaba – Soltústik Sırııa" federatıvti aımaǵyn qurǵanyn jarııalaǵan. Kúrdter qurǵan aımaqqa Jazıra, Kobanı jáne Afrın qalalary engen.

"Azattyq" radıosy

Pikirler