Búgin, 16 qazanda adam quqyǵy boıynsha halyqaralyq bıýronyń Almatydaǵy máslıhat zalynan tikeleı efırge shyqqan qoǵam belsendisi Janbolat Mamaı jańa saıası partııa qurylatynyn málimdedi.
Janbolat Mamaıdyń aıtýynsha, "qazirgi ýaqytta Qazaqstannyń saıası keńistiginde shynaıy ózgeristerdi qalaıtyn jáne oppozıııalyq baǵyttaǵy saıası partııa joq".
- Bıliktiń ruqsatynsyz saıası partııa qurý ońaı emes ekenin, tipti qýǵyn-súrgin jasaıtynyn da bilemiz, oǵan qaramastan jańa saıası kúshke aınalýǵa daıynbyz, - dedi ol.
Janbolat Mamaıdyń sózinshe, qazir on adamnan turatyn bastamashyl top bar, al partııanyń negizgi platformasy partııaǵa kirýge yqylas bildirgen belsendilermen aqyldasý barysynda naqtylanady, taıaýda partııanyń quryltaı sezi ótedi. Belsendi Qazaqstanǵa "birinshi kezekte shynaıy saıası reforma kerek, saıası partııalar týraly zań qaıta qaralyp, saıası tutqyndar shuǵyl bosatylýy tıis" dep sanaıdy.
Janbolat Mamaı, saıasatker Tólegen Júkeev otyrǵan zalǵa skaıp arqyly qosylǵan Sergeı Dývanov "qazirgi jaǵdaıda bılikke aralasýdyń legıtımdi joly - saıası partııa qurý" ekenin aıtty. Onyń sózinshe, "Qazaqstanda oppozıııalyq partııa qurý úshin kem degende 40 myń adamnyń qolyn jınaý kerek. Biraq ol qıyn emes, ony tirkeýden ótkizý qıyn".
- Tirkeı me, joq pa, ekinshi másele. Birinshiden tirkeý proedýrasynyń ózi mańyzdy. Eger jańa saıası partııany tirkemeıtin bolsa, bıliktiń demokratııaǵa qaraı qadam basýǵa qulqy joq ekeni, Qazaqstan prezıdenti Qasym-Jomart Toqaevtyń saıası reforma týraly aıtqandarynyń jaı sóz ekeni belgili bolady. Onda bılik birjola senimnen aıyrylady, - dedi ol.
Buryn Qazaqstan qaýipsizdik keńesi tóraǵasynyń orynbasary, hatshysy, Qazaqstannyń Irandaǵy elshisi qyzmetin atqarǵan oppozıııadaǵy saıasatker Tólegen Júkeev "jastardyń saıası partııa quryp, avtorıtarly júıeni ózgertýge kiriskenin" qoldaıtynyn aıtty.
Ózi de partııa jumysyna aralasqaly otyrǵanyn ańǵartqan ol tikeleı efırden qoıylǵan suraqtardyń birine "ótken saılaýdaǵy saıası satqyndyqty qaıtalamaımyz» dep jaýap berdi.
Qazir Qazaqstanda memlekettik tirkeýde 7 partııa bar. Onyń tórteýi - "Nur Otan", "Aq jol", "Aýyl" jáne kommýnıstik halyqtyq partııanyń Qazaqstan parlamentinde frakııalary jumys isteıdi. Kóp jyl Jarmahan Tuıaqbaı jetekshilik etip, bıyl kóktemnen beri basshylyǵy eki ret ózgergen Jalpy ulttyq soıal demokratııalyq partııa sońǵy jyldary "tirkeýde turǵan jalǵyz oppozıııalyq partııa" sanalyp kelgen. Partııa ishindegi sońǵy ózgeristerden keıin oppozıııalyq belsendiler men partııa músheleri arasynda "JSDP oppozıııalyq partııa ma, joq pa?" degen daý týǵan.
Buryn táýelsiz "Trıbýna" gazetin basqarǵan jýrnalıst, qoǵam belsendisi Janbolat Mamaı "Muhtar Ablıazovtan qarjy aldy" dep aıyptalyp, shartty jazamen bosatylǵan. Janbolat Mamaı ózine taǵylǵan aıypty moıyndamaǵan. Bıyl jazda jalpy ulttyq soıal demokratııalyq partııa jetekshisi Ermurat Bapı osy partııanyń basshylyǵyna Janbolat Mamaıdy usynǵysy kelgenin habarlaǵan bolatyn. Alaıda, jalpy ulttyq soıal demokratııalyq partııa sezinde Ermurat Bapı kópshilik daýyspen qyzmetinen alynyp, ornyna partııa tóraǵasynyń orynbasary Ashat Rahymjanov saılanǵan.
