Bügın, 5 mausymda Şerzat Polattyŋ ölımıne aiyptau jönındegı qylmystyq ıs boiynşa sot ükımı şyqty, dep habarlaidy «Adyrna» tılşısı.
Abzal Şynasylǧa, ekı asa auyr jäne bır auyr qylmys, QK-nıŋ 99-baby 2-bölıgınıŋ 5), 9), 14) tarmaqtary (adam öltıru), 24-babynyŋ 3-bölıgı – 99-baby 2-bölıgınıŋ 1), 7), 9) tarmaqtary (adam öltıruge oqtalu), 293-babynyŋ 3-bölıgı (būzaqylyq) jasaǧany üşın qylmystardyŋ jiyntyǧy boiynşa – 23 jyl bas bostandyǧynan aiyru;
Sakiev Ravilge, bır asa auyr jäne bır auyr qylmys, QK-nıŋ 24-babynyŋ 3-bölıgı – 99-baby 2-bölıgınıŋ 7), 9) tarmaqtary (adam öltıruge oqtalu), 293-babynyŋ 3-bölıgı (būzaqylyq) jasaǧany üşın qylmystardyŋjiyntyǧy boiynşa tüpkılıktı – 20 jyl bas bostandyǧynan aiyru;
Toqtaubaev Azamatqa, QK-nıŋ 293-babynyŋ 3-bölıgı (būzaqylyq), 188-babynyŋ 1-bölıgı (ūrlyq) jasaǧany üşın, būryn jasaǧan auyr qylmysy jäne ol boiynşa ötelmegen jazasy eskerılıp – 15 jyl bas bostandyǧynan aiyru;
Iliiasov Nūrqiiasqa, QK-nıŋ 293-babynyŋ 3-bölıgı (būzaqylyq) jasaǧany üşın, būrynǧy mottylyǧy jäne ol boiynşa ötelmegen jazasy eskerılıp – 9 jyl bas bostandyǧynan aiyru;
Äskentai Darhan, Toqtaubaev Nūrbol, Belǧojaev Şyŋǧys pen Qaliahmet Didarǧa QK-nıŋ 293-babynyŋ 3-bölıgı (būzaqylyq) jasaǧany üşın zaŋmen közdelgen barynşa qataŋ jaza – ärqaisysyna 7 jyl bas bostandyǧynan aiyru;
Kämelet jasqa tolmaǧan Ysqaq Dumanǧa QK-nıŋ 434-baby (qylmys turaly habarlamau) boiynşa – 1 jyl 6 ai bas bostandyǧynan aiyru jazasy taǧaiyndaldy.
Sottaluşylardyŋ bärı jazasyn ortaşa qauıpsız mekemede öteidı.Odan bölek, keltırılgen moraldyq şyǧynnyŋ esebıne Şynasyldan 60 mln teŋge, Sakievten – 30 mln teŋge, sondai-aq qalǧan sottalǧandardan ortaq tärtıpte jäne Sakievten – 30 mln teŋge öndırıldı. Kämelet jasqa tolmaǧan Ysqaqqa jäbırlenuşıler azamattyq talap qoimaǧan.
Būǧan deiın prokuror Dana Sarsenbai sottan jasöspırımnıŋ qazasyna bailanysty aiyp taǧylǧan toǧyz adamdy qylmys jasaǧany üşın 1,5 jyldan 23 jylǧa deiın sottaudy sūraǧan edı. Al marqūm Şerzattyŋ otbasy aiyptaluşylardan 660 million teŋge moraldyq şyǧyn öteudı talap ettı.
Eske sala keteiık, 4 qazan künı Talǧarda 16 jastaǧy Şerzat Polatty otbasynyŋ közınşe öltırıp ketken bolatyn. Būl oqiǧa qoǧamda ülken rezonans tudyrǧan ısterdıŋ bırı boldy. Tergeu barysynda 40 sot saraptamasy jürgızılıp, 200 kuägerden jauap alyndy.
