Memleket basşysy Qasym-Jomart Toqaevtyŋ qatysumen osy aptada bırqatar ıs-şara ötedı. Būl turaly bügın, 26 mamyrda Aqordanyŋ baspasöz qyzmetı aitty, dep habarlaidy «Adyrna» tılşısı.
28-29 mamyr künderı Qazaqstanǧa Ruanda prezidentı Pol Kagame resmi saparmen keledı. Sapar aiasynda ekıjaqty yntymaqtastyqty damytu perspektivasy talqylanyp, bırqatar qūjatqa qol qoiylady.
28 mamyrda Germaniia Federativtık Respublikasy Bundesratynyŋ Töraǧasy Anke Relingermen kezdesu ötedı.
28-29 mamyr künderı Soltüstık Makedoniia prezidentı Gordana Silianovskaia-Davkova jūmys saparymen keledı.
28-29 mamyrda Astanaǧa Horvatiia Premer-ministrı Andrei Plenkovich jūmys saparymen keledı.
29 mamyr künı prezident Qasym-Jomart Toqaev Astana halyqaralyq forumyna (AIF) qatysady jäne resmi delegasiia jetekşılerımen, sondai-aq halyqaralyq ūiymdar men kompaniialar basşylarymen bırqatar kezdesu ötkızedı.
30 mamyrda elımızge İtaliia premer-ministrı Djordja Meloni resmi saparmen keledı. Sol künı aimaqtaǧy memleketter basşylarynyŋ qatysuymen bırınşı «Ortalyq Aziia – İtaliia» sammitı ötedı.
31 mamyrda Prezident Saiasi quǧyn-sürgın jäne aşarşylyq qūrbandaryn eske alu künıne arnalǧan ıs-şaraǧa qatysady.
