Jasóspirimderdiń arasynda quqyq buzýshylyq ara-tura kezdesip qalyp jatady. Osy «áttegen-aılardyń» aldyn alý úshin tárbıe jumystaryn belsendi júrgizgen jón sekildi.
Jambyl oblysy ákimdigi bilim basqarmasynyń memlekettik áleýmettik tapsyrysy sheńberinde «Arylý-Ońtústik» qoǵamdyq birlestigi «Jasóspirimder arasynda quqyq buzýshylyqtyń aldyn alý sharalaryn uıymdastyrý men júrgizý» taqyrybynda semınar-trenıngter uıymdastyrdy. Qoǵamdyq birlestiktiń tóraǵasy Dáýren Baǵjanovtyń aıtýynsha, sońǵy 8 aıda oblysta kámelettik jasqa tolmaǵan jasóspirimderdiń qylmysy 13,4 paıyzǵa arqan.
«Kúndelikti ótkizilgen reıdtik jáne profılaktıkalyq sharalardyń nátıjesinde polıııa bólimshesine 3082 kámelet jasqa tolmaǵan jasóspirim jetkizilgen. Al olardyń ata-analaryna 2796 ákimshilik hattama toltyrylyp, aıyppul salynypty. Alaıda bul kórsetkish byltyrǵy jylǵa qaraǵanda 496 derekke artqan. Kámeletke tolmaǵandar arasynda qylmystyń ósýi ótkir másele, óıtkeni olar eresekterge qaraǵanda tájirıbesi men biliminiń jetkiliksizdiginen kóptegen problemalardy sheshe almaıdy», – deıdi ol.
Oqýshylar arasynda qylmysty azaıtý úshin «Arylý-Ońtústik» qoǵamdyq birlestigi tabandy túrde eńbek etip keledi. Uıym mamandary oblystaǵy barlyq on aýdanyndaǵy mektepterde arnaıy semınar-trenıngter ótkizgen. Atalǵan oqytý semınarlaryn Abaı atyndaǵy ulttyq pedagogıkalyq ýnıversıtetiniń oqytýshysy, psıhıkalyq saýyqtyrý ortalyǵynyń mamany Meıramgúl Ibashova júrgizgen.
«Devıantty minez-qulyqtyń kóbine jasóspirimder arasynda kórinis tabatynyn psıhologtar jaqsy biledi. Bul rette ár sabaqta muǵalimderge eń birinshi kezekte ata-analarmen birigip jumys isteýge keńes beremin. Bala tárbıesine kelgende jan-jaqty áser etpesek, jasaǵan áreketimizdiń bári zaıa ketedi. Kóp jaǵdaıda ata-ana mektepke kelgen kezde balanyń tárbıesine emes, basqa usaq-túıek dúnıelerge bola keletinin tájirıbe kórsetip júr. Jasóspirimniń qylmysqa barýynyń eń birinshi sebebi balanyń psıhologııalyq ereksheligine, psıhologııalyq densaýlyǵyna tikeleı qatysty», – deıdi Meıramgúl Smaǵulqyzy.
Jalpy óńirde Jambyl oblysy ákimdigine qarasty bilim basqarmasynyń memlekettik áleýmettik tapsyrysy sheńberinde «Arylý-Ońtústik» qoǵamdyq birlestiginiń muryndyq bolýymen ótken trenıngterge barlyǵy 300-ge tarta synyp jetekshi, 300 mektep dırektorynyń orynbasary qamtylǵan. Kámeletke tolmaǵan jastardyń arasynda qylmystyń aldyn alýdyń keshendi sharasy retinde baǵalanǵan bul trenıngter aldaǵy ýaqytta da jalǵasyn taba bermek.
«ADYRNA»
ulttyq portaly
