Belgılı rejisser Ermek Tūrsynov äleumettık jelıde Qazaqstannan ketkenın jazdy, dep habarlaidy "Adyrna" ūlttyq portaly.
Onyŋ aituynşa, ol öz erkımen elden ketuge mäjbür bolǧan, sebebı qysym küşeiıp, bostandyǧyna qauıp töngen.
«Prodiuserıme qatysty qylmystyq ıs qozǧalǧany ötken şaqty eske tüsıruge mäjbür ettı. Bır sözben aitqanda, men mūnyŋ bärın būryn da bastan ötkerdım. Qazır snariadtar maǧan barǧan saiyn jaqyndai tüsude. Sondyqtan bırjaqty bilet satyp aluyma tura keldı», – dep jazdy Tūrsynov.
Ol prodiuserı Qanat Törebaidy tergeuge şaqyrǧanyn, bıraq naqty qandai sebeppen ekenın aşyp aitpady.
«Menı bır aqymaq dau-damailarǧa aralastyrǧysy keledı. Aqtaluǧa, tüsındıruge mäjbürleidı. Al men ondaidy qalamaimyn», – dep mälımdedı rejisser.
Ermek Tūrsynov qai elge ketkenın naqtylamaǧanymen, «alysta jürmın» dep qysqa ǧana jazdy.
«Bılesızder me, būl ärine, qaiǧyly jaǧdai. Bıraq men basqa jol körıp tūrǧan joqpyn. Menı būl elden jai ǧana quyp şyǧardy», – dedı ol.
63 jastaǧy Ermek Tūrsynov – jurnalist, ssenarist, jazuşy jäne kinorejisser. Onyŋ filmderı ekı ret Qazaqstan atynan «Oskar» syilyǧyna ūsynylǧan. 2010 jyldardyŋ soŋynda Qazaqstan Kinematografister odaǧyn basqardy. 2019–2021 jyldary Prezident Qasym-Jomart Toqaevtyŋ bastamasymen qūrylǧan Ūlttyq qoǧamdyq senım keŋesınıŋ müşesı bolǧan.
