Almatyda polisiia bankten aqşa ūrlamaq bolǧan küdıktını ūstady. Būl turaly bügın, 12 mamyrda Işkı ıster ministrlıgınıŋ baspasöz qyzmetı jazdy, dep habarlaidy «Adyrna» tılşısı.
«Belgısız er adam ǧimaratqa tereze arqyly kırıp, odan keiın kassaǧa ötpek bolǧanymen, brondalǧan şynydan öte almaǧan. Būl ärekettıŋ beker ekenın tüsıngen küdıktı oqiǧa ornynan ketıp qalǧan»,— dedı Jetısu audandyq polisiia basqarmasynyŋ bastyǧy Jänıbek Şynasylov.
Kriminaldyq polisiia basqarmasy Jetısu audandyq polisiiasymen bırlesıp jürgızgen jedel-ızdestıru ıs-şaralarynyŋ nätijesınde qysqa merzımde 32 jastaǧy küdıktı anyqtalyp, ūstaldy.
«Küdıktı öz kınäsın moiyndady. Atalǧan derek boiynşa qylmystyq ıs qozǧaldy»,—dep tolyqtyrdy Almaty qalalyq PD kriminaldyq polisiia basqarmasynyŋ bastyǧy Talant İsaev.
https://youtu.be/I_dwrlGR-Zw?si=w2lPNJngaGL-q-be
