Almatyda Şūǧyla yqşamaudanynda 7 jastaǧy balany aulada kölık qaǧyp kettı, dep habarlaidy "Adyrna" ūlttyq portaly.
Oqiǧa 11 mamyr künı tūrǧyn üi keşenınıŋ aulasynda bolǧan. Videoǧa tüsırılgen kadrlardan bırneşe balanyŋ aulada jügırıp jürgenı baiqalady. Bır bala dosymen söilesıp tūryp, jolǧa qarai jügırgen sätte kölık jürgızuşısı ony basyp ketken. Oqiǧa basqa balalardyŋ köz aldynda oryn alǧan.
«Changan markaly kölık jürgızuşısı Şūǧyla yqşamaudanyndaǧy aulalyq jolmen oŋtüstıkke qarai jürıp, şyǧysqa qarai ötpek bolǧanda 7 jasar balany basyp kettı. Jol apaty saldarynan bala dene jaraqattaryn alyp, qaladaǧy auruhanalardyŋ bırıne jatqyzyldy. Oqiǧa boiynşa Nauryzbai audany polisiia basqarmasynyŋ qyzmetkerlerı tergeu jūmystaryn bastady», – dep habarlady polisiia.
