9 mamyr qarsaŋynda Almaty äkımı Erbolat Dosaev Ūly Otan soǧysynyŋ ardagerlerıne baryp, syilyqtar tabystap, Qazaqstan Respublikasynyŋ Prezidentı Qasym-Jomart Toqaevtyŋ atynan qūttyqtauyn jetkızdı. Sonymen qatar, Memleket basşysynyŋ tapsyrmasymen ardagerlerge «Ūly Otan soǧysyndaǧy Jeŋıske 80 jyl» mereitoilyq medalın tabys ettı.
Olga Andreevna Savenkoǧa 9 mamyr künı 102 jasqa tolady. Almatyda 7 synyp tämamdaǧan soŋ Leningradtaǧy äskeri bailanys uchilişesıne oquǧa tüsken. Maidanǧa 1941 jyldyŋ qyrküiegınde 18 jasynda attanyp, Jeŋıs künıne deiın boryşyn adal ötegen. Ol 1-şı jäne 2-şı Belarus maidandarynyŋ bailanys polkınde qyzmet etıp, Polşany, Germaniiany azat etuge jäne Berlin üşın şaiqastarǧa qatysqan. Körsetken erlıgı men janqiiarlyǧy üşın Otan soǧysy ordenımen, «Kenigsbergtı alǧany üşın», «Varşavany azat etkenı üşın», «Berlindı alǧany üşın» medaldarymen jäne basqa da mereitoilyq nagradalarmen marapattalǧan.
Soǧystan keiın tuǧan qalasyna oralǧan ol ömırınıŋ 57 jylyn Almaty telegrafynda jūmys ısteuge arnady. Joldasymen bırge ekı qyz tärbielep ösırdı. Jyly ärı jaily atmosferada ötken kezdesuge ardagerdıŋ nemeresı de qatysty. Äŋgıme barysynda Erbolat Dosaev Olga Andreevnaǧa beibıtşılık üşın alǧys bıldırıp, onyŋ ömır joly barşamyzǧa erlık pen Otanǧa degen süiıspenşılıktıŋ ülgısı ekenın atady. Qala äkımı şyn jürekten ardagerdı aldaǧy tuǧan künımen qūttyqtap, Ūly Jeŋıske qosqan baǧa jetpes ülesı üşın rizaşylyǧyn bıldırdı.
«Sızge qarap, köŋılge quanyş ūialaidy. Sızdıŋ körkem mınezıŋız ben ömırge degen qūştarlyǧyŋyz bızge şabyt beredı – būl öte maŋyzdy. Olga Andreevna, özıŋızben qatar otyryp, külkıŋızdı köru – ülken quanyş. Qazırgı jastardyŋ boiynda sızdegı bar quat pen sergektık darysyn. Sızge şyn jürekten zor densaulyq tıleimın», – dedı Erbolat Dosaev.
Ekaterina Aleksandrovna Baranovaǧa kezdesu de sondai jyly ärı jaily jaǧdaida öttı. Äkımdı ol päterınde jienımen bırge qarsy aldy.
Ardager Kursk oblysynda tuyp-ösken. Jetı synyp bıtırgennen keiın feldşer mamandyǧy boiynşa medtehnikumǧa tüsken. Tuǧan jerı jaudan azat etılgen soŋ Ekaterina Aleksandrovna äskerge şaqyrylyp, 1-şı Ukraina maidanyna jıberılgen. Ol lazarette jaralanǧan sarbazdarǧa qamqorlyq körsettı. Jeŋıstı Chehoslovakiianyŋ Karlovy Vary qalasynda qarsy alǧan.
Erlıgı men janqiiar eŋbegı üşın II därejelı Otan soǧysy ordenımen, «Jauyngerlık eŋbegı üşın», «Germaniiany jeŋgenı üşın», «Pragany azat etken üşın» medaldarymen jäne basqa da medaldarmen marapattalǧan.
Soǧystan keiın jūbaiymen bırge onyŋ tuǧan jerı Qazaqstanǧa qonys audaryp, ūl ösırıp, ūzaq jyl Ministrler keŋesı janyndaǧy auruhanada qyzmet etken. Qazırdıŋ özınde densaulyǧyna qaramastan, ruhy myqty, sanasy sergek.
Erbolat Dosaev Ekaterina Aleksandrovnaǧa otty jyldardaǧy janqiiarlyq eŋbegıne şeksız qūrmet pen alǧys bıldırdı.
«Sız 1943 jyldan bastap maidanda medbike bolyp jūmys ıstep, talaidy ajaldan araşalap qaldyŋyz. Sızge myŋ alǧys. Şyn jürekten zor densaulyq pen köterıŋkı köŋıl-küi tıleimın», – dedı äkım.
Qala basşysyn 101 jastaǧy Qambar Ämırūly Särsenov pen onyŋ nemeresı, kelını men şöberesı şaŋyraǧynda quana qarsy aldy. Äkım ardagerge soǧys jyldaryndaǧy erlıgı, eŋbekke adaldyǧy men qaharmandyǧy üşın alǧys aityp, zor densaulyq, amandyq pen ūzaq ǧūmyr tıledı.
Qambar Ämırūly 1942 jyly tamyzda äskerge şaqyrylyp, üş ret jaralanǧan. Belarustı, Latviiany, Litvany jäne Polşany azat etuge qatysqan. Onyŋ kitelı I jäne II därejelı Otan soǧysy ordenı, II jäne III därejelı Daŋq ordenı, «Qyzyl Jūldyz» ordenı, sondai-aq, «Jauyngerlık eŋbegı üşın», «Kenigsbergtı alǧany üşın», «Germaniiany jeŋgenı üşın» medaly syndy san türlı marapatqa toly. Qambar Särsenov – IIM-nıŋ qūrmettı ardagerı. Işkı ıster organdaryndaǧy qyzmetın aiaqtaǧan soŋ Almaty elektr jelılerı mekemesınde jūmys ıstep, qalanyŋ damuyna üles qosqan.
Qala basşysy taǧy bır ardager – Vasilii İvanovich Dolbnianyŋ üiıne de at basyn būrdy. Ol 1927 jyly Almaty oblysynda düniege kelgen. 1944 jyly äskerge şaqyrylyp, Qiyr Şyǧysta barlauşy retınde qyzmet etken. 1951 jyly mamyrynda alty jarym jyl äskeri qyzmetten keiın üiıne oralǧan.
Vasilii İvanovichtıŋ jauyngerlık jäne eŋbektegı erlıgı köptegen orden jäne medalmen marapattalǧan. Onyŋ üş balasy, tört nemeresı jäne tört şöberesı bar. Qazır ardager ūl-qyzymen bırge tūrady. Mereke künderın ardager ülken otbasymen bırge qarsy alyp otyr.
Almaty äkımı barlyq maidangerdı 28 gvardiiaşy-panfilovşylar saiabaǧyndaǧy Ardagerler alleiasynyŋ aşyluyna şaqyryp, olardyŋ ömır joly erlıktıŋ, batyrlyq pen Otan aldyndaǧy adaldyqtyŋ jarqyn ülgısı ekenın atap öttı.
Jeŋıs künı qarsaŋynda ardagerlerge qala äkımınıŋ orynbasarlary men audan äkımderı de baryp, merekemen qūttyqtap, myqty densaulyq pen baqyt tılep, 9 mamyr künı 28 gvardiiaşy-panfilovşylar saiabaǧynda ötetın Jeŋıs künın merekeleuge şaqyrdy.
Bügınde Almatyda Ūly Otan soǧysynyŋ 21 ardagerı tūrady. Erbolat Dosaevtyŋ tapsyrmasymen biyl bır rettık järdemaqy kölemı 5 million teŋgege deiın köbeidı. Ardagerler medisinalyq qyzmetpen qamtylǧan, äleumettık kömek alady.
