Almatynyń Rixos qonaqúıinde qurylǵanyna bir jyl bolǵan Assyltas qoǵamdyq qorynyń tanystyrylym sharasy ótti. Jıynǵa Máskeý qalasynan arnaıy kelgen qazaqtan shyqqan tuńǵysh Olımpıada chempıony Áljan Jarmuhamedov, Ulttyq Olımpıada komıteti sport dırekııasynyń basshysy Elsııar Qanaǵatov, Qazaqstan Jazýshylar Odaǵynyń tóraǵasy Ulyqbek Esdáýlet, Qazaqstannyń eńbek sińirgen qaıratkeri aqyn Júrsin Erman, belgili sazger Altynbek Qorazbaev tb elimizge tanymal azamattar qatysty.
Kópshilik aldynda Assyltas qoǵamdyq qorynyń atqaryp jatqan jumystary, aldaǵy josparlary týraly aıtylyp, qordyń qoldaýymen jaryq kórgen "Tarıhqa toly Tarbaǵataı almanahynyń 4-shi tomdyǵy, aqyndar aıtysy toptastyrylǵan "Týǵan jerge týyńdy tik" kitabynyń tusaýkeser rásimderi ótti.
Artynsha, Assyltas qorynyń uıǵarymymen olımpıada chempıony Áljan Jarmuhamedov, aqyn Júrsin Erman jáne ulaǵatty ustaz Orynsha Karabalına Assyltas tósbelgisiniń ıegerleri atandy. Sondaı-aq, dańqty balýan Dáýlet Bolatuly Turlyhanov, aıtysker aqyn Serik Qalıev pen tanymal jýrnalıst Maqsat Tolyqbaıǵa "Tarbaǵataı tarlany" medaldary berildi. Atalǵan azamattardyń barlyǵyna Assyltas qoǵamdyq qorynyń quryltaıshysy Dýlat Tursynuly Tastekeev qor atynan syıaqy tabystady. Shara sońynda Rústem Qaıyrtaıuly jınalǵan qaýymǵa arnaý aıtyp, kópshilikke dastarhan jaıyldy.
