Ūly Jeŋıstıŋ 80 jyldyǧy. Toqaev äskeri paradta ardagerlerdı qūttyqtady

Qazaqstan Prezidentı Qasym-Jomart Toqaev Ūly Jeŋıstıŋ 80 jyldyǧyna arnalǧan äskeri paradta halyqty qūttyqtap, ardagerlerge alǧysyn bıldırdı, dep habarlaidy “Adyrna” ūlttyq portaly. Ol soǧys jyldaryndaǧy qazaq halqynyŋ maidan men tyldaǧy erlıgın erekşe atap öttı. Memleket basşysynyŋ aituynşa, būl kün – qazaqstandyq jauyngerlerdıŋ ruhyn, batyrlyǧyn eske tüsıretın qasiettı mereke. «Bız Otan üşın janyn pida etken batyr babalarymyzdyŋ erlıgın mäŋgı este saqtaimyz», – dedı Toqaev. Prezident Qazaqstannan 1,2 millionnan astam adamnyŋ maidanǧa attanyp, olardyŋ jartysyna juyǧynyŋ ömırı qiylǧanyn aitty. Tylda qalǧan halyq azyq-tülık pen kiım-keşek jöneltıp, qysqa merzımde äskeri öndırıs jolǧa qoiylǧanyn atap öttı. Toqaev qazaq halqynyŋ jauyngerlık ruhy – Altyn Orda men Qazaq handyǧy däuırınen jalǧasyp kele jatqan ūly dästür ekenın eske saldy. «Bızdıŋ qaharman armiia – Täuelsızdıgımızdıŋ tıregı. Qazaqstandyq sarbazdar memlekettıŋ tūtastyǧyn, eldıŋ tynyştyǧyn qorǧap keledı», – dedı ol. Memleket basşysy halyqaralyq bıtımgerşılık missiialarǧa qatysyp jürgen qazaqstandyq jauyngerlerdıŋ käsıbilıgın de erekşe atap öttı. Sonymen qatar, “Batyrlarǧa taǧzym” aksiiasy aiasynda elde 500-ge juyq köşege soǧys ardagerlerınıŋ esımı berıletını turaly habarlady. «Beibıtşılık – baǧa jetpes qūndylyq. Bız soǧystyŋ şyndyǧyn ūmytpauymyz kerek. Būl – jas ūrpaqtyŋ sanasyna sıŋuı tiıs tarihi şyndyq», – dep tüiındedı Toqaev. Ol el qorǧanysy men armiiany jaŋǧyrtu – memlekettıŋ basym baǧyttarynyŋ bırı ekenın, al Otandy qorǧau – ärbır azamattyŋ qasiettı paryzy ekenın eske saldy.