Baring Vostok qorynyń negizin qalaýshy, Kaspi Bank akıoneri Maıkl Kalvıdiń Reseıdegi bar múlkine arest qoıyldy. Buǵan qosa amerıkalyq kásipker isi boıynsha aıyptalǵan ózge azamattardyń da múlkine arest salyndy. Bul aqparatty qor ókilderi men ınvestor zańgerine silteme jasaǵan "Interfaks" agenttigi habarlady.
Sot sheshimine sáıkes, kásipkerdiń áıeli men bala-shaǵasy turyp jatqan páterler de arest qoıylǵan. Kalvı advokaty sot sheshimin apellıaııaǵa beretinin aıtty.
52 jastaǵy Maıkl Kalvı bıyl aqpan aıynda qamaýǵa alynǵan. Tergeýshiler kásipkerdi "Vostochnyı" bankinen 2,5 mıllıard rýbl urlaý úshin alaıaqtyq shema qurdy dep aıyptady. Is osy banktiń dırektorlar keńesiniń múshesi Sherzod Iýsýpovtyń aryzy boıynsha qozǵalǵan. Kalvı taǵylǵan aıyptardy joqqa shyǵaryp, qylmystyq isti "bank akıonerimen aradaǵy korporatıvti daýmen" baılanystyrǵan. Kalvı biraz ýaqyt tergeý ızolıatorynda otyrdy, keıinnen úıqamaqqa aýystyryldy.
Buǵan deıin qarjy saraptamasy júrgizilip, Kalvı men ózge aıyptalýshylardyń áreketinen qylmystyq áreket tappaǵan.
Esep komıtetiniń basshysy Alekseı Kýdrın "Kalvıdiń qamalýy ekonomıkaǵa teris áser etip, Reseıge keletin kapıtaldy eselep azaıtty" degen.
Reseıde 25 jyl buryn qurylǵan "Berıng Vostok" qory 3,7 mıllıard dollardan astam kapıtal jınap, birneshe eldegi 80-ge jýyq jobaǵa, sonyń ishinde Qazaqstandaǵy Kaspi Bank-ke ınvestıııa salǵan. 2018 jylǵy 1 qazandaǵy málimet boıynsha, "Berıng Vostok" qory Qazaqstandaǵy Kaspi Bank-tiń 39,5 paıyz akııasyna ıelik etedi. Buǵan deıin Kaspi Bank akıonerleriniń biri Mıhaıl Lomtadze amerıkalyq kásipkerdiń qamalýynyń qazaqstandyq Kaspi Bank jumysyna áseri joq dep málimdegen.
"Azattyq" radıosy
