İzrail äskeri küşterı Siriia aumaǧyna qaita soqqy jasady, dep habarlaidy “Adyrna” ūlttyq portaly.
Soqqy Damask qalasynyŋ soltüstıgındegı audandar men Hama maŋyndaǧy eldı mekenderge baǧyttalǧan. Būǧan deiın de İzrail prezident saraiyna jaqyn aimaqty nysanaǧa alǧan bolatyn.
İzrail bilıgı būl ärekettı etnikalyq tazartuǧa ūşyraǧan druz azşylyq tobyn qorǧau maqsatynda jasalǧanyn alǧa tartty. Degenmen Siriia tarapy bırneşe kün būryn el bilıgı men druz qauymdastyǧy jetekşılerı kelısımge kelgenın mälımdegen edı. Alaida İzrail druzdarǧa jasalǧan zorlyq-zombylyq derekterı alaŋdatyp otyrǧanyn jetkızdı.
Ūlybritaniiada ornalasqan Siriialyq adam qūqyqtaryn baqylau ortalyǧynyŋ mälımetınşe, soŋǧy qaqtyǧystar nätijesınde Aşrafiiat Sahnaia, Djaramana jäne Es-Suveida qalalarynda 102 adam köz jūmǧan. Qaza bolǧandardyŋ ışınde 70-ten astamy — druzdar, al qalǧany — qauıpsızdık qyzmetınıŋ ökılderı men sodyrlar.
Qaqtyǧystar dınge qatysty bastalǧan. Siriianyŋ uaqytşa prezidentı Ahmed Äl-Şaraa eldegı etnikalyq jäne dıni azşylyqtardy qorǧauǧa uäde berdı. Alaida druzdar — qysymǧa ūşyraǧan alǧaşqy top emes. Būǧan deiın nauryz aiynda alavitter toby da quǧyn-sürgınge ūşyrap, myŋdaǧan adam Livanǧa bas sauǧalauǧa mäjbür bolǧan.
Ūqsas jaŋalyqtar
