Ukraina men AQŞ arasynda paidaly qazbalarǧa qatysty maŋyzdy kelısımge qol qoiylmaq, dep habarlaidy "Adyrna" ūlttyq portaly.
Reuters agenttıgı taratqan aqparatqa säikes, kelısım 30 säuır künı bekıtıluı mümkın.
Ukrainanyŋ ekonomika ministrı Iýliia Sviridenko Vaşingtonǧa kelısımge qol qoiu maqsatynda jol tartqan. Atalǧan kelıssözder AQŞ-tyŋ būrynǧy prezidentı Donald Tramp qyzmetke kelgen alǧaşqy aptalarynda bastalǧan.
Kelısım jobasy Ukrainada investisiialyq jobalardy basqaruǧa arnalǧan bırlesken qor qūrudy közdeidı. Degenmen, qordyŋ naqty jūmys ısteu tärtıbın retteitın ekı tehnikalyq kelısımnıŋ mätını älı tolyq maqūldanbaǧan.
Bloomberg agenttıgınıŋ jazuynşa, kelısım jobasynda AQŞ pen Ukraina "Ukrainanyŋ tau-ken öndırısı, energetika jäne onymen bailanysty salalarǧa investisiia tartuǧa jaǧdai jasaidy" delıngen. Būl maqsatta qūrylatyn investisiialyq qordyŋ tabysy taraptar arasynda teŋ bölınedı.
AQŞ pen Ukraina arasyndaǧy kelısımge eldıŋ energetikalyq infraqūrylymy men porttary kırmeidı. Būǧan deiın AQŞ äkımşılıgı Ukrainadan sirek metaldardan bölek, porttar men infraqūrylymdardy da qamtuyn sūraǧan bolatyn. Alaida keiın būl talaptan bas tartqan.
Kelısımge säikes, AQŞ pen Ukraina sirek metaldardan tüsken tabysty bırlesken qorǧa audarady. Qorǧa tüsken qarajat ekı el arasynda 50/50 ülespen bölınedı. Ukraina özınıŋ paidaly qazbalary men infraqūrylymyna tolyq ielık etedı. Sonymen qatar, AQŞ tarapynan körsetılgen äskeri kömek te osy qorǧa salynǧan investisiia retınde eseptelmek.
Aqpan aiynda Ukraina prezidentı Vladimir Zelenskii AQŞ ūsynǧan alǧaşqy kelısım jobasyna qol qoiudan bas tartqan bolatyn. Alaida soŋǧy kelısım nūsqasy taraptardyŋ müddesıne sai keledı dep kütılude.
