AQŞ prezidentı Donald Tramp äielı Melaniiamen bırge Rim Papasy Fransisktıŋ jerleu räsımıne qatysu üşın Rimge bardy, dep habarlaidy «Adyrna» tılşısı.
Būl — Tramptyŋ AQŞ prezidentı qyzmetıne qaita kırıskennen keiıngı şetelge jasaǧan alǧaşqy resmi sapary.
Rim Papasy Fransisktı jerleu räsımı 26 säuırde jergılıktı uaqyt boiynşa saǧat 10:00-de ötedı. Oǧan 50-den asa memleket basşysy qatysady dep josparlanyp otyr.
Būǧan deiın Ukraina prezidentı Vladimir Zelenskii jerleuge barmaitynyn mälımdegen edı. Al Tramp Rimde Zelenskiimen kezdesu mümkındıgı bolatynyn aitqan. Zelenskii sapardan bas tartqan jaǧdaida, el atynan bırınşı hanym Elena Zelenskaia jäne SIM basşysy Andrei Sibiga qatysady.
Aita keteiık, Rim Papasy Fransisk 21 säuır künı özınıŋ Casa Santa Marta rezidensiiasynda qaitys boldy.
https://youtu.be/hbdtEBCjp_s?si=yxlHJ8vIEBTrqIH4
