Qazaqstandyq kásipker, fılantrop, BI-Group holdınginiń akıoneri jáne dırektorlar keńesiniń tóraǵasy, sondaı-aq YPO Kazakhstan prezıdenti Aıdyn Raqymbaev facebook jelisindegi paraqshasynda qazaqtar «sálemetsiz be» dep amandaspaǵan, dep jazdy.
"Armysyzdar, dostarym! Tarıhshylarmen áńgimeleskende bári de bizdiń babalarymyz júzdegen jyl buryn «Armysyz?» , «Aman-esensiz be?» dep amandasqanyn aıtady. Babalarymyz qandaı dana sózder men tereń maǵynany qoldanǵan", - dedi kásipker.
Aıtýynsha, «sálem» men «sálemetsiz be» degen qazaqqa ejelgi jebireılerdiń «shalom aleıhım» jáne arabtyń «assalaýmaǵaleıkým» degeninen kelgen.
"Biz bulaı amandasýǵa úırenip qaldyq jáne ol da durys. Biraq, oǵan qosa ejelgi túrikshe amandasý da ádemi estiledi ǵoı. Osy oraıda, mende usynys bar: Otbasynda, jumysta, kóshede bir-birimizben taza qazaqsha «Armysyz?» dep amandasaıyq", - deıdi Aıdyn Raqymbaev.
