Qudaıbergen Jubanov atyndaǵy aýyldyq okrýgtiń ákimi Lázzat Berdibaevanyń qyzǵaldaqpen túsken selfıi halyq arasynda daý týdyrdy, dep habarlaıdy "Adyrna" ulttyq portaly.
Sheneýnik gúlmen túsken sýretin áleýmettik jelige júktegen. Biraq bul áreket kóp uzamaı qoǵamdyq narazylyq týdyrǵan.
Jeli qoldanýshylary memlekettik qorǵaýdaǵy gúlderdi ne sebepti ákim juldy degen suraq qoıyp, túsinikteme talap etken. Al ákimniń aıtýynsha, tıýlpandardy qyzyna demalys kezinde bireý syılaǵan, ári ol jerde gúlderdi julmaý týraly eshqandaı eskertý belgisi bolmaǵan.
"Kúni keshe túsken sýret. Demalysta balalarmen dalaǵa serýenge shyqtyq. Qandyaǵashqa qaraı Jurynnyń qasynda trassanyń boıynda boldyq. Balalarym julyp ákep berdi. Estelikke sýretke tústim. WhatsApp statýsyna saldym. Gúldi tanymaıdy ekenmin. Men ony julýǵa bolmaıtynyn bilgen joqpyn. Basqa jaqta Qyzyl kitapqa engen gúldi julýǵa bolmaıtynyn bilemin. Eldiń bári julyp jatty. Oıymda eshteńe joq. Áıtpese, men juldym, mine, sýretke tústim dep nem bar", – dedi Lázzat Berdibaeva.
Polıııanyń habarlaýynsha, ákimniń ózi gúlderdi julǵany týraly tikeleı dálel joq.
"Aqparat tekseriledi jáne quqyqtyq baǵa beriledi. Tabıǵatty qorǵaý ınspekııamen sýrettegi gúldiń Qyzyl kitapqa engeni nemese basqa ekeni anyqtalady", – dedi oblystyq polıııa departamenti.
