Reseı prezıdenti Vladımır Pýtın sáýir aıynyń basynda Donald Tramptyń ókili Stıv Ýıtkoffpen kezdesýde AQSh-qa Ýkraınadaǵy urys qımyldaryn qazirgi maıdan shebi boıymen toqtatýdy usyndy. Bul týraly Financial Times basylymy birneshe derekkózge silteme jasap jazdy, dep habarlaıdy "Adyrna" ulttyq portaly.
Kezdesý barysynda Pýtın Máskeý qazirgi ýaqytta Kıevtiń baqylaýyndaǵy Ýkraına aımaqtaryna qatysty keıbir aýmaqtyq talaptarynan bas tartýy múmkin ekenin de málimdedi. Bul — soǵys bastalǵaly beri Reseıdiń óz maksımalıstik ustanymdarynan bas tartýǵa daıyn ekendigin bildiretin alǵashqy resmı ıshara retinde qarastyrylyp otyr.
Alaıda eýropalyq sheneýnikter bul usynysty saqtyqpen qabyldaýda. Olar Pýtınniń bul áreketin Trampty Reseıdiń basqa talaptaryn qabyldaýǵa kóndirip, olardy Ýkraınaǵa kúshtep tańý úshin jasalǵan aıla bolýy múmkin dep sanaıdy.
Sondaı-aq, Aq úı Stıv Ýıtkofftyń osy apta sońynda Reseıge taǵy bir sapar jasaıtynyn resmı túrde rastady.
