Aqmola oblysynda 10 säuırden bastap respublikalyq «Jasöspırım» jedel-aldyn alu ıs-şarasy ötkızılıp jatyr. Būl turaly Aqmola oblystyq Polisiia departamentı bastyǧynyŋ orynbasary, polisiia polkovnigı Aslan Qyzbikenov brifing barysynda mälım ettı, dep habarlaidy Öŋırlık kommunikasiialar qyzmetınen.
Būl aksiianyŋ maqsaty – kämeletke tolmaǧandar arasyndaǧy qūqyqbūzuşylyqtyŋ aldyn alu, olardyŋ qauıpsızdıgın qamtamasyz etu. Bır apta ışınde polisiia bölımderıne 373 jasöspırım jetkızılgen. Olardyŋ basym bölıgı saǧat 23:00-den keiın ata-anasyz köşede jüruı sebeptı ūstalǧan. Aqmola oblystyq Polisiia departamentı bastyǧynyŋ orynbasary, polisiia polkovnigı Aslan
Qyzbikenovtıŋ aituynşa, jasöspırımder üşın eŋ qauıptı kezeŋ – tüngı uaqyt, sondyqtan reidter osy mezgılge erekşe nazar audarumen jürgızıledı.
«Kämeletke tolmaǧandardyŋ tüngı uaqytta qoǧamdyq oryndarda ata-anasyz jüruı jiı kezdesedı. Däl osy uaqytta olar qylmystyŋ qūrbany nemese qatysuşysy boluy mümkın», – deidı Qyzbikenov.Reidterge 380 polisiia qyzmetkerı jäne 120-dan astam jergılıktı atqaruşy organdardyŋ, bılım beru, densaulyq saqtau salalary men ÜEŪ ökılderı tartylǧan. Nätijesınde 315 jasöspırımnıŋ eresekterdıŋ qarauynsyz qoǧamdyq oryndarda jürgenı anyqtaldy. 31 bala ūsaq būzaqylyq üşın jauapqa tartyldy. 21 jasöspırım ışımdık ışkenı üşın jazalandy. 1 bulling faktısı tırkeldı. 5 bala tyiym salynǧan zattardy (pyşaq sekıldı) zaŋsyz alyp jürgenı üşın ūstaldy. Sonymen qatar, qūqyq qorǧau organdary basqa jasöspırımderdı zaŋsyz äreketterge itermeleitın "beiresmi köşbasşylardy" anyqtauda. 12 osyndai jasöspırımge qatysty aqparat tiıstı qyzmetterge jıberılıp, profilaktikalyq jūmystar jürgızılude. Is-şara aiasynda jaǧdaiy tömen otbasylar da nazardan tys qalmady. Balalaryn tärbieleu mındetterın oryndamaǧany üşın 43 ata-anaǧa äkımşılık hattama toltyryldy. Sonymen qatar, 30 ata-ana men 41 jasöspırım profilaktikalyq esepke alyndy. Mektepterde tüsındıru jūmystary küşeitıldı. 454 därıs,21 brifing ūiymdastyryldy. Sondai-aq mektepter maŋyndaǧy jol qauıpsızdıgı tekserılıp, 140 kemşılık boiynşa tiıstı mekemelerge nūsqama berıldı. İnternettegı qauıpter de nazarda. Polisiia qyzmetkerlerı tarapynan 116 qauıptı internet-resurs anyqtalyp, olar balalardyŋ ömırı men densaulyǧyna qauıp töndıretını belgılı boldy. Sauda oryndarynda da zaŋ būzuşylyqtar tırkeldı. 21 jasqa tolmaǧandarǧa temekı satu boiynşa 7,zaŋsyz alkogol satu boiynşa 4 derek, kämeletke tolmaǧandardyŋ oiyn-sauyq oryndarynda jüruı boiynşa 3 qūqyqbūzuşylyq anyqtaldy. Aslan Qyzbikenovtıŋ aituynşa, «Jasöspırım» ıs-şarasy – jai ǧana aksiia emes, balalar üşın qauıpsız orta qalyptastyruǧa baǧyttalǧan jüielı jūmystyŋ bır bölıgı.
«Jasöspırımder bos jürmei, sportpen, şyǧarmaşylyqpen ainalysuy kerek. Olardy eŋbekke baulyp, volonterlık jūmysqa tartu – maŋyzdy qadam», – dep tüiındedı polisiia ökılı.OPM «Jasöspırım» şarasy Aqmola oblysynda jalǧasuda. Polisiia barlyq tūrǧyndardy balalardyŋ qauıpsızdıgın qamtamasyz etu ısınde bırlese äreket etuge şaqyrady.
