Memleket basşysy Qasym-Jomart Toqaev pravoslavtyq hristiandardy Pasha meiramymen qūttyqtady, dep habarlaidy "Adyrna" ūlttyq portaly.
Qūttyqtau mätının bügın Aqordanyŋ baspasöz qyzmetı jariialady.
"Qymbatty otandastar! Elımızdegı barlyq hristian qauymyn Pasha merekesımen şyn jürekten qūttyqtaimyn! Būl nūrly meiram – ruhani jaŋǧyru men tazarudyŋ belgısı, ol senuşı jandardyŋ jüregıne ümıt pen quanyş ūialatady. Biyl pravoslavtar, katolikter men protestanttar Pashany bır künde atap ötıp jatqany erekşe simvoldyq mänge ie", – dedı Toqaev.
Prezidenttıŋ aituynşa, hristian dını de basqa dınder siiaqty qoǧamymyzdyŋ ömırınde maŋyzdy röl atqarady. Joǧary gumanistık idealdardy nasihattai otyryp, Pasha dästürlerı ejelden-aq otbasylyq qūndylyqtardy saqtauǧa, halqymyzdyŋ bırlıgı men yntymaǧyn nyǧaituǧa yqpal etıp keledı. Olar adamdardy jaqsylyq pen kelısımge şaqyrady.
Toqaev Qazaqstannyŋ ornyqty damuynyŋ berık negızı – eldegı etnostar men konfessiia ökılderınıŋ arasyndaǧy jalpyūlttyq bırlık, özara tüsınıstık pen üilesım ekenın atap öttı.
"Pasha meiramy üilerıŋızge mahabbat pen şattyq syilasyn! Barşa azamattarǧa zor densaulyq, amandyq jäne şyǧarmaşylyq tabystar tıleimın!", – dedı Memleket basşysy.
