Telegram jäne WhatsApp messendjerlerınde Semei qalasyndaǧy mektepterde "terakt jasalady" degen jalǧan habarlamalar tarady, dep habarlaidy "Adyrna" ūlttyq portaly.
Būl aqparatty Abai oblysynyŋ polisiia departamentı resmi türde joqqa şyǧardy.
Qauıp töndıretın habarlamalar «Kones Semei» atauymen aşylǧan telegram-arnada jariialanǧan. Anonim avtorlar qala mektepterınde terakt ūiymdastyruǧa niettı ekenın jazǧan. Keiın būl arna joiyldy.
Abai oblysy polisiia departamentı būl aqparattyŋ şyndyqqa janaspaitynyn habarlady:
«Atalǧan mälımetter şyndyqqa säikes kelmeidı jäne halyq arasynda ürei tudyru maqsatynda taratylǧan. Polisiia departamentı azamattardy sabyr saqtauǧa, arandatuşylyqqa ermeuge jäne tek resmi aqparat közderıne senuge şaqyrady», – delıngen habarlamada.
Degenmen, Semei qalasyndaǧy barlyq mektepterde qauıpsızdık şaralary küşeitıldı. Tärtıp pen tynyştyqty qamtamasyz etu maqsatynda mektepterde polisiia qyzmetkerlerı kezekşılık etude.
Sonymen qatar, polisiia departamentı jalǧan aqparat taratu zaŋ boiynşa qataŋ jauapkerşılıkke äkeletının eske saldy.
