Qazaq avtorlyq qoǧamy 400-den astam änşı men avtor öz qalamaqysyn älı almaǧanyn mälımdedı, dep habarlaidy “Adyrna” ūlttyq portaly.
«Qazaqstan avtorlyq qoǧamynyŋ» (KazAK) bas direktory Ainūr Esendıkovanyŋ aituynşa, 400-den astam kompozitor men oryndauşy, onyŋ ışınde tanymal jūldyzdar da bar, älı künge . deiın öz tuyndylary üşın qalamaqy ala almai jür. Būǧan negızgı sebep – avtorlarmen bailanys ornatudyŋ qiyndyǧy.
“Avtorlyq jäne sabaqtas qūqyqtar turaly zaŋǧa säikes, bız avtorlar men qūqyq ielerın öz betımızşe ızdeuge mındettımız. Osyǧan orai, bızdıŋ saitta arnaiy resmi tızım jariialanǧan. Būl – zaŋnyŋ talaby”, – dedı Esendıkova brifingte.
Onyŋ aituynşa, qoǧam qyzmetkerlerı avtorlarmen bailanys ornatu üşın barlyq mümkındıktı paidalanyp jatyr: messendjerler, Instagram, Telegram, WhatsApp arqyly habarlasady, telefon şalady. Bıraq jauap alu ärdaiym mümkın emes.
“Keibır änşıler bailanysqa şyǧady. Bıraq köbınıŋ atynan söileitın menedjerlerı men prodiuserlerı bar, olar keide bızdı alaiaqtar dep oilap, jauap bermeidı. Būl jalpy üderıstı tejeidı”, – deidı Esendıkova.
Osy rette ol barlyq qūqyq ielerıne ündeu jasady:
“Eger bızden habarlama kelse – mındettı türde jauap berıŋızder. Bız sızderdıŋ aqşalaryŋyzdy qaitarǧymyz keledı. Būl – sızdıŋ zaŋdy tabysyŋyz”, – dep tüiındedı ol.
KazAK “ızdeudegı” ärtısterdıŋ tızımın jariialady. Tızımde bailanys mälımetterı aşyq türde qoljetımdı önerpazdardyŋ da boluy. 2024 jyly jariialanǧan būl tızımde Dimaş Qūdaibergen, Älı Oqapov, İmanbek, Darkhan Juzz, Qairat Nūrtas, Raim & Artur, Rin’Go, Sadraddin, Say Mo, Son Pascal, M’Dee, V$XV PRiNCE, Ǧalymjan Moldanazar jäne basqa da köptegen avtorlar körsetılgen. Tızımde şeteldık änşıler de bar.
