AQSh prezıdenti Donald Tramp Trump International golf klýbynda óziniń qurmetine ornatylǵan eskertkishti ashty. Bul týraly H áleýmettik jelisinde kásipker, Nıý-Iork shtatynyń 21-shi saılaý okrýginen kongreske úmitker Entonı Konstantıno jazdy, dep habarlaıdy «Adyrna» tilshisi.
Bıznesmen jelidegi paraqshasynda prezıdentke erekshe syılyq tabystaǵanyn málimdedi.
«Baǵynbaý eskertkishi» — Trump International klýby úshin shoqtyǵy bıik eskertkish.Kelýshiler bul músindi birden baıqaıdy, ol mekemeniń kórnekti jerinde tur. Prezıdent músindi jaqsy qabyldady», — dedi Entonı Konstantıno.
Eske salaıyq, Donald Tramp 2017-2021 jyldary AQSh-tyń 45-shi prezıdenti mindetin atqarǵan edi. Ol 2025 jyldyń 20 qańtarynda AQSh-tyń 47-shi prezıdenti bolyp qaıta saılandy. Tramp ózi jeńiske jetken prezıdent saılaýyn «el tarıhyndaǵy ul kún» dep atady.
«AQSh-tyń altyn ǵasyry dál qazir bastaldy. Búginnen bastap biz gúldenemiz, barlyq el bizge qyzǵana qaraıtyn bolady»,–dedi ol prezıdent retinde sóılegen sózinde.
Al naýryz aıynda memleket basshysy konstıtýııalyq shekteýler úshinshi ret saılanýǵa kedergi keltirse de, úshinshi merzimge prezıdent bolýdyń joldaryn izdestirip jatqanyn málimdedi.
Aıta keteıik, kózi tirisinde eskertkishi ornatylǵan prezıdentter qatarynda Qazaqstannyń tuńǵysh prezıdenti Nursultan Nazarbaev pen Túrikmenstannyń eks-basshysy Saparmurat Nııazov bar.
