Aqşa tabu üşın Tailandqa ketken tört qazaqstandyq adam saudasymen ainalysatyn qylmystyq toptardyŋ qūrbanyna ainaldy, dep habarlaidy "Adyrna" ūlttyq portaly "Dune" AA-ǧa sılteme jasap.
Olar Mianmada alaiaqtyq bailanys ortalyqtarynda mäjbürlı türde jūmys ıstegen.
Tek qazaqstandyqtar ǧana emes, būl jaǧdaiǧa Özbekstannyŋ ekı azamaty men Qyrǧyzstannan kelgen segız adam da tap bolǧan. Zardap şekkenderdıŋ barlyǧy diplomattardyŋ kömegımen elderıne oraldy.
Jäbırlenuşılerdıŋ aituynşa, olarǧa Tailandtan joǧary aqy tölenetın onlain jūmys ūsynylǧan. Jol şyǧyny – tegın äue biletterı de qarastyrylǧan.
Alaida, Tailandqa barǧannan keiın olardy zaŋsyz jolmen Mianmaǧa alyp ketken. Sol jerde olar qylmystyq toptardyŋ baqylauynda alaiaqtyq ortalyqtarda jūmys ısteuge mäjbür bolǧan. Jäbırlenuşıler fizikalyq qysym men qoqan-loqqy körgen. Azat etu üşın aitarlyqtai aqşalai ötemaqy qajet bolǧan.
Qyrǧyzstannyŋ Tailandta diplomatiialyq ökıldıgı bolmaǧandyqtan, Qyrǧyzstan azamattaryn elge qaitaruǧa Qazaqstan men Özbekstan diplomattary kömek körsetken.
