Aqsha tabý úshin Taılandqa ketken tórt qazaqstandyq adam saýdasymen aınalysatyn qylmystyq toptardyń qurbanyna aınaldy, dep habarlaıdy "Adyrna" ulttyq portaly "Dýne" AA-ǵa silteme jasap.
Olar Mıanmada alaıaqtyq baılanys ortalyqtarynda májbúrli túrde jumys istegen.
Tek qazaqstandyqtar ǵana emes, bul jaǵdaıǵa Ózbekstannyń eki azamaty men Qyrǵyzstannan kelgen segiz adam da tap bolǵan. Zardap shekkenderdiń barlyǵy dıplomattardyń kómegimen elderine oraldy.
Jábirlenýshilerdiń aıtýynsha, olarǵa Taılandtan joǵary aqy tólenetin onlaın jumys usynylǵan. Jol shyǵyny – tegin áýe bıletteri de qarastyrylǵan.
Alaıda, Taılandqa barǵannan keıin olardy zańsyz jolmen Mıanmaǵa alyp ketken. Sol jerde olar qylmystyq toptardyń baqylaýynda alaıaqtyq ortalyqtarda jumys isteýge májbúr bolǵan. Jábirlenýshiler fızıkalyq qysym men qoqan-loqqy kórgen. Azat etý úshin aıtarlyqtaı aqshalaı ótemaqy qajet bolǵan.
Qyrǵyzstannyń Taılandta dıplomatııalyq ókildigi bolmaǵandyqtan, Qyrǵyzstan azamattaryn elge qaıtarýǵa Qazaqstan men Ózbekstan dıplomattary kómek kórsetken.
