Mıanmada taǵy da jer silkinisi boldy, dep habarlaıdy "Adyrna" ulttyq portaly Eýropa-Jerorta teńizi seısmologııalyq agenttigine (EMSC) silteme jasap.
Bul joly Mıanma aýmaǵyndaǵy jer silkinisiniń magnıtýdasy 5,5 bolǵan.
Seısmıkalyq belsendilik 13 sáýir kúni Astana ýaqytymen 08:24-te tirkelgen. Jer silkinisiniń epıentri Mandalaı qalasynan ońtústikke qaraı shamamen 92 shaqyrym jerde ornalasqan. Aıta keteıik, Mandalaı – Mıanmadaǵy halyq sany 1,2 mıllıonǵa jýyq ekinshi iri qala.
Sondaı-aq jer silkinisi halqy 177 myńnan asatyn Meıktıla qalasynan soltústik-shyǵysqa qaraı 34 shaqyrym jerde de baıqalǵan. Jer silkinisiniń oshaǵy 8 shaqyrym tereńdikte bolǵan.
Qazirgi tańda zardap shekkender men qırandylar týraly aqparat joq.
Eske sala keteıik, 28 naýryzda Mıanmada 7,7 magnıtýdaly qýatty jer silkinisi tirkelip, 29 naýryzda qaıtadan qaıtalanǵan bolatyn. Jer silkinisi saldarynan 2 700-den astam adam qaza tapty. Osyǵan baılanysty 31 naýryz ben 6 sáýir aralyǵynda Mıanmada ulttyq aza tutý kúni jarııalanǵan bolatyn.
