Qaraǧandy oblysynda Ūly Otan soǧysyndaǧy Jeŋıstıŋ 80 jyldyǧyna arnalǧan «Menıŋ Jeŋıs tarihym» patriottyq onlain-aksiiasy bastalyp, oblys tūrǧyndary, oquşylary jäne jastary äleumettık jelılerde belsendılık tanytuda. Olar soǧysqa qatysqan tuystarynyŋ jäne tyl eŋbekkerlerınıŋ suretterımen belsendı türde bölısıp, olardy qysqaşa otbasylyq äŋgımelerımen, estelıkterımen jäne mūraǧattyq suretterımen jariialauda.
Qaraǧandy qalasynyŋ tūrǧyny Aliia İskakova özınıŋ atasynyŋ ömır baiany turaly qysqaşa aqparatpen bölıstı: «İskakov Ahmetjan İskakovich Jezqazǧan oblysy, Aqadyr audanynyŋ Öspen kentınde 1920 jyly tuǧan. 1940 jyly äsker qataryna şaqyryldy. Qorşaudaǧy Leningradty bosatuǧa qatysty. Qyzy Armiianyŋ atqyştar vzvodynda bolǧan. II därejelı Otan soǧysy ordenımen marapattalǧan. 1943 jyly soǧysta alǧan kontuziiaǧa bailanysty bosatyldy. Bosatylǧannan keiın keiın mūǧalım bolyp jūmys ıstep, mektepte algebra, geometriia jäne fizika pänderınen sabaq berdı».
Äleumettık jelınıŋ bır qoldanuşysy Möldır Erbolatqyzy atasynyŋ aǧasy turaly äŋgımelep berdı: «Menıŋ atam, Diusembaev Erşora — erlıktıŋ, namystyŋ jäne tuǧan jerge degen adaldyqtyŋ ülgısı. 1941 jyldyŋ şıldesınde maidanǧa attanyp, Ūly Otan soǧysynyŋ auyr künderınde elı men jerın erlıkpen qorǧady. Kursk tübındegı jäne Harkov üşın şaiqastarda asqan batyrlyq tanytqandardyŋ bırı. «Katiuşa» artilleriialyq qondyrǧysynyŋ komandirı retınde jauǧa qarsy qaimyqpai şaiqasty. 1943 jyly qazan aiynda aiaǧynan auyr jaraqat alǧanyna qaramastan, ruhy synbady. Onyŋ erlıgı «Daŋq» ordenımen, «Otan soǧysy» ordenımen jäne «Eren eŋbegı üşın» medalımen marapattaldy».
Ūly Otan soǧysy jyldarynda Qaraǧandy oblysynan maidanǧa 45 myŋǧa juyq adam attandy. Olardyŋ 18 myŋǧa juyǧy tuǧan jerıne oralmady. Alaida olardyŋ ärqaisysynyŋ erlıgı men janqiiarlyǧy ūrpaq jüregınde mäŋgı saqtalady.
Eren erlıgı men qaisarlyǧy üşın 18 qaraǧandylyq jauyngerge Keŋes Odaǧynyŋ Batyry ataǧy berıldı. Al 6587 sarbaz ordender men medaldarmen marapattalyp, el tarihynda öşpes ız qaldyrdy.
«Menıŋ jeŋıs tarihym»— būl jai ǧana aksiia emes, būl ata-babalarymyzdyŋ erlıgıne degen şynaiy qūrmet.
Būl bastama arqyly bız är otbasynyŋ jeŋıs jolyn eske tüsırıp, soǧys jyldaryndaǧy batyrlyq pen tabandylyqty jaŋǧyrtamyz. Ärbır estelık — būl ūrpaqtar arasyndaǧy bailanys, maqtanyş pen ruhtyŋ körınısı.
