AQSh prezıdenti Donald Tramp Qytaıdan ákelinetin taýarlarǵa salynatyn ımporttyq baj salyǵyn buryn aıtylǵannan da kóbirek arttyrdy. 10 sáýir kúni Aq úı túsindirgendeı, aldyńǵy kúni jarııalanǵan 125 paıyzdyq baj salyǵyna naýryzda engizilgen 20 paıyz da qosylady. Osylaısha, Qytaı úshin jalpy tarıf kólemi 145 paıyzdy quraıdy. Bul týraly Batys aqparat agenttikteri jarııalady, dep habarlaıdy “Adyrna” ulttyq portaly.
Tramp bul salyqty Pekınniń fentanıl esirtkisiniń zańsyz saýdasyna baılanysty áreketsizdigimen túsindirdi. Sondaı-aq, ol Qytaıdy "álemdik naryqqa jetkilikti qurmet kórsetpeı otyr" dep aıyptady.
Buǵan deıin Qytaı tarapynan AQSh taýarlaryna salynatyn baj salyǵy eki esege, ıaǵnı 20 paıyzǵa kóterilgennen keıin, Pekın amerıkalyq ónimderge tarıfti 34 paıyzdan 84 paıyzǵa deıin arttyratynyn málimdegen bolatyn.
Sońǵy aptalarda Donald Tramp AQSh-qa Eýroodaqtan jáne basqa elderden ákelinetin túrli taýarlarǵa birneshe saýda bajdaryn engizdi. 9 sáýir kúni AQSh prezıdenti kóptegen elderge kedendik baj salyǵyn engizýdi 90 kúnge keıinge qaldyrǵanymen, bul sheshim Qytaıǵa qoldanylmady. Kerisinshe, QHR úshin 125 paıyzdyq tarıf jarııalandy.
