Jezqazǵan áýejaıynda týrıstik aqparattyq alań ashý jumystary bastaldy.
Qazir onda qalta kartalary men nusqaýlyqtar ornalastyrylǵan, áýejaıdyń teleekrandarynda oblys týraly beınerolıkter kórsetilýde. Jaqyn arada 1 ınteraktıvti ıfrlyq ekrandar men 2 monıtor ornatylady.
Oblys ortalyǵynan Astana, Almaty, Qaraǵandy jáne Shymkent qalalaryna turaqty áýe qatynasy bar (4 baǵyt boıynsha aptasyna 46 reıs).
2024 jyldyń qorytyndysy boıynsha ornalastyrý oryndary kórsetken qyzmetter ótken jyldyń sáıkes kezeńimen salystyrǵanda 26%-ǵa ósýmen 698 mln teńgeden asty. Bólmeler sany 32 birlikke ósip, jalpy 308 nómir boldy). Bir rettik tósek-oryn syıymdylyǵy 51 birlikke ulǵaıyp, 540 orynǵa jetti. Qonaq úılerdiń sany 3 birlikke ósip, 28 birlikti qurady (2023 j. 25 qonaq úı).
Statıstıkalyq málimetterge sáıkes, 2024 jyly týrısterdiń sany 31 myńnan asa (31 250 adam) adamdy qurady, al onyń ishinde sheteldik týrıster sany 1044 adam (2023 j. 1002 adam).
«Joshy han» tarıhı-mádenı keshenine 11 215 adam keldi, bul 2023 jylmen salystyrǵanda 1 215 kelýshilerge kóp (2023 j. 10 myń adam).
Oblysta 360 tarıhı jáne mádenı eskertkish bar, onyń 12-si respýblıkalyq mańyzǵa ıe. 2024 jyly jalpy quny 1 mlrd teńgeni quraıtyn 3 qonaq úı kesheni iske qosyldy.
Bıyl jalpy quny 1,9 mlrd teńge bolatyn taǵy 3 qonaq úıdi paıdalanýǵa berý josparlanyp jatyr.
