Bügın Qyrǧyzstan prezidentı Sadyr Japarov 41 sottalǧan adamǧa raqymşylyq jasau turaly jarlyqqa qol qoidy, dep habarlaidy "Adyrna" ūlttyq portaly 24.kg-ǧa sılteme jasap.
Būl turaly Qyrǧyzstannyŋ jazalardy atqaru memlekettık qyzmetı mälımdedı.
Raqymşylyqqa ılıkkender arasynda azamattyq belsendıler de bar. Olardyŋ qatarynda – aqyn ärı jurnalist Azamat İşenbekov te bar. Ol 2024 jyly Temirov Live jäne «Ait Ait Dese» jobalaryna bailanysty ūstalǧan. Jappai tärtıpsızdıkke şaqyrdy dep aiyptalyp, bes jylǧa bas bostandyǧynan aiyrylǧan edı.
Sonymen qatar, bloger Zarina Torokulova da raqymşylyqqa ılıktı. Ol 2023 jyly jazuşy Oljobai Şakirdıŋ videosyn äleumettık jelıde bölıskenı üşın ūstalyp, bes jylǧa sottalǧan bolatyn.
Kaktus.media basylymyna bergen sūhbatynda Torokulovanyŋ qyzy Aiman anasynyŋ joǧarǧy sot Bışkek qalalyq sotynyŋ ükımın küşınde qaldyrǧannan keiın raqymşylyq sūraǧanyn aitty. İşenbekov te raqymşylyq turaly ötınış bergen. Būl jönınde onyŋ advokaty Sapar Akun habarlaǧan.
Torokulova men İşenbekovtıŋ 9 säuır künı bostandyqqa şyǧady dep kütılude.
Raqymşylyqqa ılıkken özge adamdardyŋ aty-jönı jariialanǧan joq.
