Mäjılıs deputaty Elnūr Beisenbaev Magnum kompaniiasyna qatysty äleumettık jelılerde taraǧan jaǧdaiǧa bailanysty pıkır bıldırdı. Onyŋ aituynşa, būl jaǧdaidy saiasilandyryp, tıldık nemese ūlttyq qaqtyǧys retınde körsetudıŋ qajetı joq.
"Bırınşıden, manipuliasiiaǧa jol beruge bolmaidy. Men būl mäselenı zerttedım, qaradym. Būl – tek Eŋbek kodeksı aiasynda retteletın dünie. Būl – jūmys beruşı men jūmysşynyŋ qarym-qatynasy. Odan bır saiasi, qoǧamdyq rezonans tudyryp, 'qazaq tılı qorlanyp jatyr' degen äŋgıme emes. Būl – jeke bastyŋ dauy", – dedı deputat.
Onyŋ aituynşa, jaǧdaiǧa qatysty naqty beinejazbalar joq, sondyqtan naqty ne aitylǧanyn bılu mümkın emes.
"Sol sebepten, menıŋ oiymşa, Magnum da, qoǧamdaǧy köp belsendıler de tek manipuliasiiaǧa aldanyp otyrǧan siiaqty", – dedı ol.
Beisenbaev būl jaǧdaidy saiasilandyru arqyly köptegen adam jūmysynan aiyryluy mümkın ekenın aitty.
"Magnum – elımızdegı ırı käsıporyndardyŋ bırı. Qanşama qazaq jastary sol jerde jūmys ıstep jür. Būl – ekı qazaqtyŋ arasyndaǧy konflikt. Odan dau tudyryp, 'qazaq tılı qorlandy' dep aitu – artyq", – dedı Mäjılıs deputaty.
Söz soŋynda Elnūr Beisenbaev BAQ ökılderıne de ündeu jasap, tekserılmegen, naqty deregı joq aqparatty taratpauǧa şaqyrdy: "Baiaǧyda aitatyn edı ǧoi: 'samaurynnan su kettı dese, Samarqandty su aldy' degen. Sol äŋgımenıŋ pūşpaǧynda ketudıŋ qajetı joq. Qoiu kerek ondai närsenı", – dedı ol.
Deputattyŋ aituynşa, būl mäsele Parlamentte nemese būqaralyq aqparat qūraldarynda talqylaityn dünie emes.
