Búgin Almatyda satıralyq QazNews24 pablıginiń avtory Temirlan Eńsebekke qatysty ekinshi sot otyrysy bastaldy, dep habarlaıdy "Adyrna" ulttyq portaly.
Bul týraly jýrnalıst Danııar Moldabekov Telegram arnasynda jazdy.
«Temirlan Eńsebekke qatysty sot bastaldy, biraq onyń ózi taǵy da sot zalynda joq. Ony onlaın baılanys arqyly tergeý ızolıatorynan qosady. Aldyńǵy otyrysta Eńsebek ony sot zalyna alyp kelýdi talap etken, ol advokatyn árdaıym estı almaıtynyn aıtqan», – dep jazdy Moldabekov.
Jýrnalıstiń aıtýynsha, sýdıa Beıneǵul Qaısına sot zalynda Eńsebekti árdaıym estimeıtinin jáne baılanystyń nashar ekenin atap ótken.
Jýrnalıstiń deregine súıensek, sýdıa Beıneǵul Qaısına jýrnalısterge sot zalynan tikeleı efır júrgizýge tyıym saldy. Foto men beınemazmundy túsirýge ruqsat berildi, biraq tikeleı efır jasaýǵa bolmaıdy.
«Shynymen de, siz ne aıtyp otyrǵandaryńyzdy estimeımiz», – dedi Eńsebek.
Ol óziniń sot zalynda bolýyn surap, baılanys máselesi týraly shaǵymdandy.
«Ony qorǵaý quqyǵynan aıyryp jatyr», – dep málimdedi onyń advokaty Janar Balǵabaeva.
Sýdıa Qaısına Eńsebektiń sot zalyna kelý týraly ótinishin qabyldamaı, proesti aralas rejımde – onlaın jáne oflaın formatta júrgizýge sheshim qabyldady.
«Eńsebekti sot zalyna aparmaıdy, biraq baılanys nashar», – dep qosty Moldabekov.
Onyń aıtýynsha, Eńsebektiń belsendileri men dostary sot ǵımaratynyń dálizinde «Ashyq sot!» dep aıqaılap jatyr.
Esterińizge sala keteıik, qazirgi ýaqytta QazNews24 pablıginiń avtoryna ultaralyq alaýyzdyqty qozdyrý aıyby taǵylýda.
Alǵashqy sot otyrysy 27 aqpan kúni ótti. Ol kezde de Temirlan Eńsebek sotqa onlaın rejımde qatysqan bolatyn.
