Oral qalasyndaǧy Joǧary injenerlık-tehnologiialyq kolledjınde Jūmysşy mamandyqtar jylyna arnalǧan ıs-şaralar aiasynda «Tabiǧat pen tehnologiianyŋ üilesımı: balyq şaruaşylyǧy salasyndaǧy serıktestıktıŋ keleşegı» atty taqyrypta maŋyzdy kezdesu ūiymdastyryldy. Būl kezdesu balyq şaruaşylyǧy salasyna qyzyǧuşylyq tanytqan studentter üşın ülken mümkındıkke ainaldy.
Is-şaraǧa «QOS OZEN» jauapkerşılıgı şekteulı serıktestıgı men Batys Qazaqstan oblysynyŋ jastarmen jūmys jönındegı resurstyq ortalyǧynyŋ ökılderı qatysty. Kezdesudıŋ basty maqsaty – studentterge balyq şaruaşylyǧy salasyndaǧy zamanaui tehnologiialar, öndırıstık üderıster jäne bolaşaqtaǧy käsıbi baǧyttar turaly jan-jaqty maǧlūmat beru boldy.
Kezdesu barysynda studentter özderınıŋ käsıbi bolaşaǧyna bailanysty özektı sūraqtaryn qoiyp, sala mamandarynan naqty ärı paidaly jauaptar aldy. «QOS OZEN» JŞS basşysy Nūrseitov Nūrbek Mūsaūly balyq ösıru, onyŋ biologiialyq erekşelıkterı, ekologiialyq maŋyzdylyǧy men ekonomikalyq tiımdılıgı jaiynda keŋınen äŋgımeledı. Sondai-aq, saladaǧy zamanaui tehnologiialardy engızu men avtomattandyru ürdısterıne de erekşe toqtaldy.
Kezdesudıŋ eŋ maŋyzdy bölıgı – Joǧary injenerlık-tehnologiialyq kolledjı men «QOS OZEN» JŞS arasynda yntymaqtastyq turaly Memorandumǧa qol qoiyluy boldy. Būl kelısım teŋdık pen özara tiımdılık qaǧidattaryna negızdele otyryp, Qazaqstannyŋ balyq şaruaşylyǧy salasy üşın joǧary bılıktı kadrlar daiarlauǧa baǧyttalǧan.
Memorandum aiasynda kolledj studentterınıŋ käsıptık praktikasyn ūiymdastyru, arnaiy pänder oqytuşylaryna öndırıstık taǧylymdamadan ötuge mümkındık jasau, kolledj tülekterın tıkelei jūmyspen qamtuǧa yqpal etu, balyq şaruaşylyǧy salasyndaǧy ǧylymi-zertteu jobalary men innovasiialyq bastamalardy bırlese jüzege asyru boiynşa naqty jūmystar jürgızu közdelıp otyr:
Būl yntymaqtastyq studentterge öz bılımın täjıribe arqyly nyǧaituǧa, al käsıporynǧa – bolaşaq mamandardy erterek tanyp, daiarlauǧa mümkındık beredı. Sonymen qatar, būl serıktestık ekologiia men auyl şaruaşylyǧynyŋ maŋyzdy salalarynyŋ bırı bolyp tabylatyn balyq şaruaşylyǧynyŋ tūraqty damuyna üles qosady.
Is-şaraǧa qatysqan studentter men oqytuşylar üşın kezdesu öte paidaly ärı şabyttandyruşy boldy. Olar öz mamandyqtarynyŋ maŋyzdylyǧyn tereŋ tüsınıp, eŋbek naryǧyndaǧy sūranys pen käsıbi mümkındıkter turaly naqty közqaras qalyptastyrdy.
Aita ketu kerek, Joǧary injenerlık-tehnologiialyq kolledjı bügıngı taŋda «Balyq şaruaşylyǧy» mamandyǧy boiynşa 200-den astam tülektı tülep ūşyrǧan. Būl tülekter elımızdıŋ tükpır-tükpırınde jäne şetelderde balyq şaruaşylyǧy salasynda tabysty eŋbek etude. Olardyŋ köpşılıgı öz käsıbın döŋgeletıp, salanyŋ damuyna öz ülesın qosyp jür. Būl kolledjdıŋ sapaly bılım berıp qana qoimai, tülekterınıŋ eŋbek naryǧyndaǧy bäsekege qabılettılıgın arttyra alatynyn körsetedı.
Joǧary injenerlık-tehnologiialyq kolledjı aldaǧy uaqytta da türlı öndırıstık mekemelermen tyǧyz bailanys ornatyp, bolaşaq mamandardy eŋbek naryǧyna sapaly daiyndaudy jalǧastyra bermek.
