Mäjılıstegı «AMANAT» partiiasy fraksiiasy QQS boiynşa mındettı tırkeu şegın 15 mln teŋgege deiın tömendetuge qarsylyq bıldırdı. Sonymen qatar deputattar öŋdeu önerkäsıbındegı korporativtık tabys salyǧynyŋ mölşerlemesın tömendetu ideiasymen kelıspeitının aitty jäne densaulyq saqtau salasyna qosymşa salyq jüktemesın engızudı qoldamaitynyn jetkızdı.
«AMANAT» fraksiiasynyŋ keŋeitılgen jiynynda Mäjılıs Spikerı, partiia Töraǧasy Erlan Qoşanov Memleket basşysy Qasym-Jomart Toqaev salyq saiasatyndaǧy özgerıster käsıpkerlerge jasalǧan jaǧdaidy naşarlatpauǧa tiıs dep eskertkenın airyqşa atap öttı.
«Prezident bızdıŋ aldymyzǧa aşyq ärı tüsınıktı Salyq kodeksın qabyldau turaly naqty maqsat qoidy. Ol Ädılettı Qazaqstannyŋ simvolyna ainaluǧa tiıs. Ony qoǧam jıtı baqylap otyr. Bız dūrys şeşım qabyldauymyz qajet. Salyq kodeksı memleket, biznes jäne azamattar arasyndaǧy adal qarym-qatynastyŋ jaŋa kezeŋıne ainaluy kerek», – dedı ol.
Sondai-aq Erlan Qoşanov memleket bır jaǧynan ekonomikanyŋ damuyn qamtamasyz etetın, ekınşı jaǧynan biznestı yntalandyratyn oiyn erejelerın äzırleuı kerek eken jetkızdı. Būl rette biudjet tapşylyǧy mäselesı jüielı türde şeşıluı kerek. Ükımet qazırgı şyǧyndardy jabu üşın Ūlttyq qordan ünemı qarajat aludy toqtatuǧa tiıs.
Jiyn barysynda Premer-Ministrdıŋ orynbasary – Ūlttyq ekonomika ministrı Serık Jūmanǧarin Salyq kodeksınıŋ jobasyna qatysyna Ükımet ūstanymyn jetkızdı. Atap aitqanda, QQS boiynşa tırkeu şegın 15 mln teŋgege deiın tömendetu, QQS bazalyq mölşerlemesın 16%-ǧa engızu jäne öŋdeu önerkäsıbı üşın KTS mölşerlemesın 10%-ǧa deiın tömendetu ūsynylady. Sondai-aq densaulyq saqtau salasyna QQS mölşerlemesın kezeŋ-kezeŋımen engızu, 1,3 trln teŋgeden astam somaǧa 128 salyq jeŋıldıkterın joiu talqylanady. Būdan basqa, jylyna 8500 AEK-ten joǧary kırıster üşın JTS – 15% boiynşa progressivtı şkalany engızu jäne qūny 450 mln teŋgeden asatyn jyljymaityn mülık salyǧynyŋ mölşerlemesın ūlǧaitumäselesı qarastyryluda.
Deputattardyŋ pıkırınşe, Ükımettıŋ osy jäne özge de bastamalary qoǧamda köp dau tuǧyzady. Sondyqtan egjei-tegjeilı esepteudı jäne qosymşa tereŋ pysyqtaudy talap etedı.
«AMANAT» fraksiiasy jaŋa Salyq kodeksınde mındettı türde eskerıluge tiıs 7 basym baǧytty belgıledı.
Eŋ aldymen, deputattar Ükımettıŋ QQS boiynşa tırkeu şegın tömendetu jönındegı josparymen kelıspeitının aitty. Būl qadam şaǧyn jäne orta bizneske qauıp töndırıp, «köleŋkelı ekonomikaǧa» ainaluy mümkın ekenın atap öttı. Deputattar QQS şegın kem degende 15 millionǧa deiın ekı ese arttyrudy ūsyndy. Būǧan qajet barlyq resurs bar.
Sondai-aq äleumettık maŋyzy bar azyq-tülık tauarlarynyŋ 19 türın QQS-tan bosatu qajet ekenın atap öttı. Būl şeşım azamattarǧa naqty qoldau körsetedı. Būǧan qosa, deputattar otandyq kıtap şyǧaru, arheologiia jäneanimasiia ısıne salynatyn QQS-ty alyp tastaudy ūsyndy.
Densaulyq saqtau salasyndaǧy QQS-ty arttyru jäne qarjylyq qyzmetterge salyq salu boiynşa ūsynystar erekşe alaŋdauşylyq tuǧyzdy. Deputattardyŋ pıkırınşe, mūndai şaralar baǧa ösımıne alyp keledı jäne halyqqa qosymşa auyrtpaşylyq salady. Qazırgı jaǧdaida būǧan jol beruge bolmaidy. Arnaiy salyq rejimındegı özgerıster mäselesı de özektı bolyp qala beredı: fraksiia bölşek salyq rejimın saqtau jäne qyzmet türlerınıŋ «tyiym salu» tızımıne ötu arqyly retteudı jeŋıldetu qajet dep sanaidy. Sondai-aq deputattar arnaiy salyq rejimınde, iaǧni V2V formatynda jūmys ısteitın käsıpkerler arasyndaǧy özara qarym-qatynasty şeşudı ūsyndy.
Öŋdeu önerkäsıbındegı korporativtık tabys salyǧynyŋ mölşerlemesın 20%-dan 10%-ǧa deiın tömendetu turaly ūsynys ta deputattar tarapynan köp sūraq tuyndatty. Deputattar mūndai şara biudjettı şyǧynǧa ūşyratatynyna nazar audardy. Mäselen, būl soma kelesı jyly şamamen 94 mlrd teŋgenı qūraidy. Sonymen qatar būl şeşım sala arasyndaǧy bäsekelestıkke teŋsızdık ornatuy,naryq qaǧidatyn būzuy jäne salyqtan qūtylu üşın öndırıstık sektorda biznestı tırkeudıŋ jasandy shemalary paida boluy mümkın.
Öŋdeu önerkäsıbınıŋ ökılderı onsyz daaitarlyqtai salyqtyq yntalandyrudy paidalanady, al mölşerlemenıŋ tömendeuı investisiia ösımıne kepıldık bermeidı. Alaida biudjetke artylatyn fiskaldyq jüktemenı küşeituı mümkın. Osyǧan bailanysty fraksiia KTS mölşerlemesın tömendetuge jol beruge bolmaidy dep sanaidy.
Sondai-aq deputattar auyl şaruaşylyǧy öndıruşılerıne QQS boiynşa 70% jeŋıldık beretın salyqtyŋ qazırgı tärtıbın saqtau qajet ekenıne nazar audardy. Olardyŋ pıkırınşe, mūndai jüie salyqtan tolyq bosatudan görı tiımdırek jäne ony saqtap qalu kerek. Al agrarlyq önımdı eksporttauşylarǧa keletın bolsaq, deputattardyŋ pıkırınşe, QQS naqty tölengen soma boiynşa ǧana qaitaryluǧa tiıs.
Platformalyq jūmys taqyryby da nazardan tys qalǧan joq. Fraksiia osy salada jūmys ısteitın 800 myŋǧa juyq azamat salyq şartynyŋ naşarlap ketuınen qorǧaluǧa tiıs ekenın atap öttı. Olardyŋ eŋbegın zaŋdastyratyn jäne qūqyǧyn qorǧaityn tetıkterdı qarastyru qajet.
«AMANAT» partiiasy fraksiiasynyŋ müşesı, Salyq kodeksı boiynşa jūmys tobynyŋ jetekşısı Berık Beisenǧaliev Ükımettıŋ jer qoinauyn paidalanuşylarǧa arnalǧan jeŋıldıkter jönındegı ūsynysyna jeke toqtaldy. Atap aitqanda, ol janyp jatqan ılespe gazǧa öz qūnyna qarai tau-ken salyǧyn esepteuden bas tartudy ūsyndy. Deputat onyŋ ornyna jahandyq täjıribenı eskere otyryp, gazdyŋ älemdık baǧasyna qarai salyq salu qajet dep sanaidy. Sondai-aq ol tausylyp bara jatqan mūnai ken oryndaryna balama jer qoinauyn paidalanu salyǧyn;qatty paidaly qazbalardy öŋdeuşılergeberılgen salyq jeŋıldıkterın alyp tastaudūrys dep esepteidı. Halyq qalaulysynyŋ aituynşa, būl şara aldyn ala esepteuler boiynşa biudjetke bır trillion teŋgeden astam qarajat alyp keledı. Sondai-aq kontrabandaǧa qarsy kürestı küşeitu qajet. Taldau jūmysy körsetkendei, zaŋsyz jetkızılgen temekınıŋ özınen biudjet jylyna şamamen 100 mlrd teŋge joǧaltady.
Deputattar Salyq kodeksı jobasynyŋ özge de dauly normalary boiynşa öz eskertulerı men ūsynystaryn aitty.
Otyrys soŋynda partiia Töraǧasy Erlan Qoşanov Prezident tapsyrmasyna säikes, Salyq kodeksınıŋ jaŋa jobasymen jürgızılıp jatqan jūmys biyl bırınşı jartyjyldyqta aiaqtaluǧa tiıs ekenın atap öttı. Uaqyt öte az, sondyqtan Ükımet pen deputattar özara tüsınıstık ornatyp, qūjat jobasy boiynşa ūsynystardy qarastyru üşın belsendı jūmys ısteuı kerek. Osy aptada Salyq kodeksınıŋ jobasyn Mäjılıs bırınşı oqylymda qaraidy. Otyrysta deputattar men qoǧam Ükımetten bügın qoiylǧan barlyq mäseleler boiynşa naqty jauap kütedı.
