2025 jyldyŋ 5 säuırınde Almaty qalasynda “Taza Qazaqstan: tabiǧat pen ūlttyŋ bırlıgınde” atty ekologiialyq-mädeni ıs-şara öttı. Būl bastama – ekologiiany qorǧauǧa baǧyttalǧan el kölemındegı auqymdy qadamdardyŋ bırı ǧana emes, halyqaralyq deŋgeide moiyndalǧan qoǧamdyq qozǧalysqa ainalyp keledı.
Is-şara “Baitaq” Jasyldar partiiasynyŋ bastamasymen ūiymdastyryldy. Oǧan elımızdıŋ är öŋırınen partiia müşelerı, qoǧam qairatkerlerı men qala tūrǧyndary ǧana emes, körşıles elderden de resmi delegasiialar qatysty. Atap aitqanda, Qyrǧyzstan, Özbekstan jäne Moŋǧoliia elderınıŋ Jasyldar partiiasynan kelgen qonaqtar būl jiynnyŋ halyqaralyq maŋyzyn arttyrdy. Sonymen qatar, Ortalyq Aziia men Europa elderınıŋ resmi ökılderınıŋ qatysuy şaranyŋ aiasyn keŋeitıp, bırlesken ekologiialyq jauapkerşılıktı körsetıp otyr.
“Baitaq” Jasyldar partiiasynyŋ töraǧasy Azamathan Ämırtaev öz sözınde: “Taza ekologiia – būl sän emes, būl – ūlttyŋ densaulyǧy, bolaşaq ūrpaq aldyndaǧy paryzymyz. Bız tabiǧatty saqtau arqyly ūlttyq bolmysymyzdy da qorǧap otyrmyz,” – dep atap öttı. Onyŋ aituynşa, “Taza Qazaqstan” qozǧalysy – el azamattarynyŋ ekologiialyq sana-sezımınıŋ jaŋa deŋgeige köterılgenın körsetedı.
2024 jyly “Taza Qazaqstan” respublikalyq ekologiialyq aksiiasy aiasynda aitarlyqtai nätijelerge qol jetkızıldı. Mäselen, aksiiaǧa 6,2 million adam qatysyp, būl körsetkış aldyŋǧy jyldarmen salystyrǧanda bırneşe ese artqan. Sonymen qatar, 1,1 million tonna qaldyq jinalyp, 1,6 millionnan astam aǧaş otyrǧyzylǧan. Būǧan qosa, zaŋsyz 4,8 myŋ qoqys alaŋy anyqtalyp, sonyŋ 91%-y joiyldy. Azamattar ekologiialyq mäseleler boiynşa 10,7 myŋnan astam ötınış qaldyrǧan @TazaQazBot telegram-boty ıske qosyldy, olardyŋ 9,7 myŋy şeşımın tapty.
Is-şara aiasynda aǧaş otyrǧyzu nauqany, ūlttyq oiyndar, qolöner körmesı, döŋgelek üstel formatynda ekologiialyq pıkırtalastar ūiymdastyryldy. Būl – tabiǧatty qorǧau men ūlttyq dästürdı ūştastyru arqyly azamattardy jauapkerşılıkke ündeitın ūtymdy qadam.
“Taza Qazaqstan” — ūlttyŋ tabiǧatqa degen qūrmetın zamanaui qūraldarmen jetkızudıŋ, qoǧamdyq küş-jıgerdı bırıktırudıŋ jarqyn ülgısı. Būl qozǧalys elımızdıŋ ǧana emes, bükıl aimaqtyŋ jasyl bolaşaǧyn qalyptastyruǧa üles qosyp otyr.
