Los-Andjeleste kinoindustriia salasynyŋ jüzdegen qyzmetkerı, akterler men prodiuserler mitingıge şyqty. Olar Kaliforniia bilıgınen salyqtyq jeŋıldıkterdı köbeitıp, filmder men telehikaialar tüsıru üşın qolaily jaǧdai jasaudy talap etıp otyr, dep habarlaidy «Adyrna» tılşısı Reuters-ke sılteme jasap.
Narazylyq bıldıruşılerdıŋ aituynşa, jobalardyŋ basqa ştattarǧa ketuın toqtatyp, öndırıstı Gollivudqa kerı qaitaru kerek.
«Gollivud eşqaida ketpeidı» dep oilau — qate tüsınık. Qazırgı ürdıstı toqtatpasaq, Los-Andjelestıŋ Detroitqa ainalu qaupı (2013 jyly qala äkımdıgı özın bankrot dep jariialady — red.) bar»,—dedı amerikalyq rejisser Sara Adina Smit.
Aituynşa, Gollivud — tek qyzyl kılemde jürıp ötetın jūldyzdardyŋ ǧana emes, sondai-aq qazır jūmysynan aiyrylyp jatqan myŋdaǧan orta tap ökılınıŋ mekenı. Olardyŋ qatarynda ärleuşıler, jaryqtandyru mamandary jäne taǧy basqalary bar.
Al 25 jyl boiy filmderdıŋ saundtregın jazyp jürgen muzykant Songa Li bır jyl ışınde özı qatysqan jobalar sanynyŋ 30-dan 10-ǧa deiın azaiǧanyn mälımdedı.
«Būryn adamdar älemnıŋ tükpır-tükpırınen tūraqty jūmysqa ornalasu üşın Los-Andjeleske keletın. Eger
mūnda jūmys bolmasa, eşkım kelmeitın bolady. Bız qazırdıŋ özınde talantty adamdardy joǧalta bastadyq»,—dep tüsındırdı öner iesı.
Kaliforniia gubernatory Gevin Niuom kino jäne teledidar öndırısı üşın salyqtyq nesie qoryn jylyna 330 million dollardan 750 million dollarǧa deiın ūlǧaitudy ūsyndy. Narazylyq bıldıruşıler būl bastamany qoldaityndaryn, alaida qarajatty ūlǧaitu kerektıgın atap öttı. Oardyŋ pıkırınşe, bilık te tüsırılımge rūqsat alu prosesın jeŋıldetıp, studiialarǧa qosymşa yntalandyrular şaralaryn ūsynuy kerek.
