Los-Andjeleste kınoındýstrııa salasynyń júzdegen qyzmetkeri, akterler men prodıýserler mıtıngige shyqty. Olar Kalıfornııa bıliginen salyqtyq jeńildikterdi kóbeıtip, fılmder men telehıkaıalar túsirý úshin qolaıly jaǵdaı jasaýdy talap etip otyr, dep habarlaıdy «Adyrna» tilshisi Reuters-ke silteme jasap.
Narazylyq bildirýshilerdiń aıtýynsha, jobalardyń basqa shtattarǵa ketýin toqtatyp, óndiristi Gollıvýdqa keri qaıtarý kerek.
«Gollıvýd eshqaıda ketpeıdi» dep oılaý — qate túsinik. Qazirgi úrdisti toqtatpasaq, Los-Andjelestiń Detroıtqa aınalý qaýpi (2013 jyly qala ákimdigi ózin bankrot dep jarııalady — red.) bar»,—dedi amerıkalyq rejısser Sara Adına Smıt.
Aıtýynsha, Gollıvýd — tek qyzyl kilemde júrip ótetin juldyzdardyń ǵana emes, sondaı-aq qazir jumysynan aıyrylyp jatqan myńdaǵan orta tap ókiliniń mekeni. Olardyń qatarynda árleýshiler, jaryqtandyrý mamandary jáne taǵy basqalary bar.
Al 25 jyl boıy fılmderdiń saýndtregin jazyp júrgen mýzykant Songa Lı bir jyl ishinde ózi qatysqan jobalar sanynyń 30-dan 10-ǵa deıin azaıǵanyn málimdedi.
«Buryn adamdar álemniń túkpir-túkpirinen turaqty jumysqa ornalasý úshin Los-Andjeleske keletin. Eger
munda jumys bolmasa, eshkim kelmeıtin bolady. Biz qazirdiń ózinde talantty adamdardy joǵalta bastadyq»,—dep túsindirdi óner ıesi.
Kalıfornııa gýbernatory Gevın Nıýom kıno jáne teledıdar óndirisi úshin salyqtyq nesıe qoryn jylyna 330 mıllıon dollardan 750 mıllıon dollarǵa deıin ulǵaıtýdy usyndy. Narazylyq bildirýshiler bul bastamany qoldaıtyndaryn, alaıda qarajatty ulǵaıtý kerektigin atap ótti. Oardyń pikirinshe, bılik te túsirilimge ruqsat alý proesin jeńildetip, stýdııalarǵa qosymsha yntalandyrýlar sharalaryn usynýy kerek.
