Soltüstık Koreiadaǧy Phenian halyqaralyq marafonyna şeteldık sportşylar da qastysty, dep habarlaidy "Adyrna" ūlttyq portaly Deutsche Welle basylymyna sılteme jasap.
Būl – 2019 jyldan berı alǧaş ret şeteldık jügıruşılerdıŋ jarysqa qatysuy. Qytai men Rumyniia sekıldı elderden kelgen şamamen 200 şeteldık sportşy jergılıktı qatysuşylarmen bırge Soltüstık Koreia astanasynyŋ köşelerımen jügırdı.
2019 jyly būl marafonǧa 950-ge juyq şeteldık qatysqan. COVID-19 pandemiiasy bastalǧaly Soltüstık Koreia şekarasyn tolyqtai jauyp, öte baiau türde qaita aşyp jatyr.
Marafon KHDR negızın qalauşy Kim İr Sennıŋ tuǧan künıne (15 säuır 1912 jyl) arnalǧan basty memlekettık merekelerdıŋ bırıne orai ūiymdastyryldy. Ol – qazırgı el basşysy Kim Chen Ynnyŋ atasy.
«Phenian marafony – erekşe täjıribe, sebebı ol jergılıktı tūrǧyndarmen aralasuǧa sirek mümkındık beredı. Soltüstık Koreia – kürdelı ärı qyzyqty el. Ärine, ol bärıne jaramaidy, bıraq būl jabyq qoǧamǧa enıp, öz közıŋmen körgısı keletınder üşın taptyrmas oryn», – dedı marafonǧa saiahat ūiymdastyratyn pekindık Koryo Tours kompaniiasynyŋ basşysy Saimon Kokerell.
Jarys Kim İr Sen stadionynda bastalyp, sol jerden qala körnekılıkterın ainalyp ötıp, qaladan tys aimaqtarǧa deiın sozylǧan marşrut boiynşa ötıp, qaita sol stadionda aiaqtaldy. Jarysqa 50 myŋ körermen jinaldy.
Phenian marafony – World Athletics (Düniejüzılık jeŋıl atletika qauymdastyǧy) saitynda körsetılgen Soltüstık Koreiadaǧy eŋ ırı halyqaralyq sporttyq şara.
Mūndai ıs-şaralarǧa qaramastan, KHDR iadrolyq baǧdarlamasy, zymyran synaqtaryna qatysty kelısımderdı jiı būzuy, himiialyq qaru qory jäne Reseidıŋ Ukrainadaǧy soǧysyn qoldauy sebeptı halyqaralyq oqşaulanuda qalyp otyr.
Totalitarly ärı jabyq memleketke köptegen halyqaralyq sanksiialar salynǧan. Amnesty International sekıldı qūqyq qorǧau ūiymdarynyŋ aituynşa, eldegı adam qūqyqtarynyŋ jaǧdaiy älemdegı eŋ naşar deŋgeide.
