Qazaqstan aumaǧynda sirek kezdesetın metaldar öndıruge mümkındık beretın jaŋa aimaqtar anyqtaldy. Aldyn ala esepteuler boiynşa, 300 metr tereŋdıktegı sirek jer metaldarynyŋ jalpy qory 20 million tonnadan asady, dep habarlaidy "Adyrna" ūlttyq portaly QR Önerkäsıp jäne qūrylys ministrlıgıne sıltep.
Qazırgı uaqytta sirek kezdesetın metall öndırısın damytu maqsatynda 12 uchaskede memlekettık geologiialyq zertteu jūmystary jürgızılıp jatyr. Ministrlıktıŋ habarlauynşa, būl baǧytta Cove Capital jäne HMS Bergbau siiaqty şeteldık jeke kompaniialar da barlau jūmystaryn qolǧa alady.
"Sirek kezdesetın metaldar salasyn damytu üşın 12 uchaskede zertteu jürgızılıp jatyr. Onyŋ ışınde Küirektıköl uchaskesı erekşe maŋyzǧa ie. Būl aimaqta lantanidterdı qosa alǧanda, şamamen 800 myŋ tonna sirek kezdesetın metaldar qory bar. Aldaǧy uaqytta būl kölemdı ekı ese arttyru mümkındıgı bar", – dedı ministr Qanat Şarlapaev.
Ministrdıŋ aituynşa, Qazaqstan sirek jer metaldarynyŋ qory boiynşa Qytai men Braziliiadan keiıngı orynǧa jaiǧasuy mümkın. Būl jaŋalyq älemdık BAQ nazarynan tys qalmady. Reuters agenttıgınıŋ habarlauynşa, qazırgı uaqytta Qazaqstan AQŞ Geologiialyq qyzmetı jasaǧan sirek jer metaldary bar elder tızımıne kırmeidı. Bıraq eger ministrlıktıŋ mälımdemesı rastalsa, būl jaǧdai özgeruı mümkın.
Ūqsas jaŋalyqtar
