Alǧaş ret qazaq ǧalymy Japoniia universitetınıŋ vise-prezidentı qyzmetıne taǧaiyndaldy

Professor Serık Meiırmanov Japoniianyŋ jetekşı joǧary oqu oryndarynyŋ bırı — Ritsumeikan Asia Pacific University (APU) universitetınde vise-prezident (prorektor) qyzmetıne taǧaiyndaldy, dep habarlaidy "Adyrna" ūlttyq portaly. Būl turaly Qazaqstan Respublikasynyŋ Ǧylym jäne joǧary bılım ministrlıgı baspasöz qyzmetınıŋ jetekşısı Oljas Berkınbaev özınıŋ Facebook paraqşasynda jazdy. «Būl taǧaiyndau maŋyzdy oqiǧa. Alǧaş ret Qazaqstan azamaty Japoniiadaǧy joǧary oqu ornynyŋ basşylyǧynda osyndai joǧary ärı jauapty lauazymdy ielenıp otyr. Būl fakt professor Meiırmanovtyŋ tek käsıbi jäne jeke qasietterınıŋ joǧary baǧalanǧanyn ǧana emes, sonymen qatar Qazaqstannyŋ ǧylymi jäne bılım beru mektebınıŋ halyqaralyq deŋgeidegı tanyluyn körsetedı», — dep jazdy Berkınbaev. APU universitetı Beppu qalasynda ornalasqan. Vise-prezident qyzmetıne taǧaiyndalǧanǧa deiın professor Serık Meirmanov osy universitette üş jyl boiy akademiialyq mäseleler boiynşa dekan qyzmetın atqarǧan. Meiırmanov Qazaqstanda medisinalyq bılım alǧan, al PhD därejesın Japoniiada qorǧaǧan. Ol qazırgı uaqytta Qazaqstan Prezidentınıŋ janyndaǧy Ǧylym jäne tehnologiialar jönındegı Ūlttyq keŋestıŋ müşesı, sondai-aq Ūlttyq Ǧylymi Keŋestıŋ qūramynda şeteldık sarapşy retınde jūmys ısteidı. «Men üşın būl — ülken qūrmet jäne jauapkerşılık. Sonymen qatar, men Qazaqstandy osyndai deŋgeide halyqaralyq akademiialyq qauymdastyqta tanytqanymmen maqtanamyn jäne būl taǧaiyndau Japoniia men Qazaqstan arasyndaǧy ǧylymi jäne bılım beru bailanystaryn nyǧaituǧa qyzmet etedı dep ümıttenemın», — deidı professor. Meiırmanovtyŋ lauazymǧa resmi kıruı 2025 jyldyŋ 1 säuırınde öttı.