Joǧary auditorlyq palata jylumen, sumen jabdyqtau jäne su būru jüielerınıŋ qūrylysyn jaŋǧyrtu barysynda biudjet qarajatyn ūtymsyz jūmsau faktılerın anyqtdy, dep habarlaidy "Adyrna" ūlttyq portaly.
Zaŋ būzuşylyqtar audit jürgızu barysynda anyqtalǧan.
— 2023-2024 jyldary senım bıldırılgen agenttıŋ şyǧyndary şeŋberınde biudjet qarajatynan taldamalyq körsetıletın qyzmetterge aqy tölengen. Al būl Qūrylys jäne tūrǧyn üi-kommunaldyq şaruaşylyq ısterı komitetı men «Qazaqstandyq tūrǧy üi-kommunaldyq şaruaşylyqty jaŋǧyrtu jäne damytu ortalyǧy» AQ-nyŋ tıkelei funksionaly. Jalpy 2 jyl ışınde 207 mln teŋgeden astam qarajat jūmsalǧan. Joǧary auditorlyq palatanyŋ tapsyrmasyn oryndau şeŋberınde jylumen, sumen jabdyqtau jäne su būru jüielerınıŋ qūrylysyn jaŋǧyrtuǧa respublikalyq biudjetten şyǧystardy qalyptastyru kezınde 2025 jyldan bastap atalǧan qyzmetter üşın qarjylandyru bölınbeidı, — delıngen Joǧary auditorlyq palatanyŋ habarlamasynda. Sondai-aq, 2024 jylǧa arnalǧan biudjettı tüzetu kezınde ünemdelgen 84,4 mln teŋge memleket qazynasyna qaitaryldy.
