Iran AQSh-pen ıadrolyq baǵdarlama boıynsha tikeleı mámile júrgizýden bas tartady. Bul týraly 30 naýryzda el prezıdenti Masýd Pezeshkıan málimdedi, dep habarlaıdy «Adyrna» tilshisi.
Memleket basshysy Iran eshqashan kelissózderden jaltarmaǵanyn, al bos ýádeler túrli máselege ákelip soqqanyn atap ótti.
«Tegeran eshqashan kelissózderden qashqan emes, al keıingi máselelerge AQSh-tyń óz mindetin oryndaýdan jaltarýy sebep boldy. Taraptar arasyndaǵy senimdi qalpyna keltirý úshin olar sheshilýi kerek»,—dedi prezıdent.
Buǵan deıin AQSh basshysy Donald Tramp Iran prezıdentine ıadrolyq baǵdarlama boıynsha kelissóz júrgizý týraly usynys tastaǵan edi. 28 naýryzda Aq úı basshysy «Iran AQSh-pen ıadrlyq baǵdarlama boıynsha til tabysýǵa umtylmasa, munyń saldary aýyr bolady» degen málimdeme jasady.
