Almaty qalasynyń ákimi Erbolat Dosaev shahardaǵy jaryqtandyrý, abattandyrý jáne sýmen jabdyqtaý máselelerine baılanysty eki aptada bir ret prezıdent Qasym-Jomart Toqaevqa esep berip otyrady. Bul týraly Aqordanyń baspasóz hatshysy Rýslan Jeldibaı jazdy, dep habarlaıdy «Adyrna» tilshisi.
Aıtýynsha, Almaty ákimine elimizdiń eń iri qalasynyń qarjy, sport, týrıstik ári mádenı habyretindegi mártebesin nyǵaıtý jáne tıisti tártipke keltirý úshin basqarý qyzmetin kúsheıtý tapsyrylǵan.
«Memleket basshysy "Taza Qazaqstan" akııasyn turaqty ári óz deńgeıinde ótkizýdiń, qalany kógaldandyrýdyń, ekologııalyq ahýaldy jaqsartý úshin kólik qozǵalysyn retteýdiń, sondaı-aq, almatylyqtardy alańdatatyn basqa da máselelerdi sheshýdiń mańyzyn atap ótti. Qala ákimi Prezıdentke júrgizilgen jumystar jáne qabyldanǵan sharalar týraly eki aptada bir ret baıandap otyrady»,- dedi ol.
29 naýryz kúni Almatyǵa Ózbekstan prezıdenti Shavkat Mırzıoıov saparlap, Qazaqstan prezıdenti oǵan qalanyń kórikti oryndaryn kórsetken. Sonyń saldarynan Almatyda kósheler jabylyp, kópshilik ádetten tys kóbirek kólik keptelisinde turyp, áleýmettik jelide shaǵynǵan jazbalar jarııalanǵan.