Almaty qalasynyŋ äkımı Erbolat Dosaev şahardaǧy jaryqtandyru, abattandyru jäne sumen jabdyqtau mäselelerıne bailanysty ekı aptada bır ret prezident Qasym-Jomart Toqaevqa esep berıp otyrady. Būl turaly Aqordanyŋ baspasöz hatşysy Ruslan Jeldıbai jazdy, dep habarlaidy «Adyrna» tılşısı.
Aituynşa, Almaty äkımıne elımızdıŋ eŋ ırı qalasynyŋ qarjy, sport, turistık ärı mädeni habyretındegı märtebesın nyǧaitu jäne tiıstı tärtıpke keltıru üşın basqaru qyzmetın küşeitu tapsyrylǧan.
«Memleket basşysy "Taza Qazaqstan" aksiiasyn tūraqty ärı öz deŋgeiınde ötkızudıŋ, qalany kögaldandyrudyŋ, ekologiialyq ahualdy jaqsartu üşın kölık qozǧalysyn retteudıŋ, sondai-aq, almatylyqtardy alaŋdatatyn basqa da mäselelerdı şeşudıŋ maŋyzyn atap öttı. Qala äkımı Prezidentke jürgızılgen jūmystar jäne qabyldanǧan şaralar turaly ekı aptada bır ret baiandap otyrady»,- dedı ol.
29 nauryz künı Almatyǧa Özbekstan prezidentı Şavkat Mirzioiov saparlap, Qazaqstan prezidentı oǧan qalanyŋ körıktı oryndaryn körsetken. Sonyŋ saldarynan Almatyda köşeler jabylyp, köpşılık ädetten tys köbırek kölık keptelısınde tūryp, äleumettık jelıde şaǧynǧan jazbalar jariialanǧan.
