Qazaqstan Prezıdenti Qasym-Jomart Toqaev pen Túrkııa prezıdenti Rejep Taıyp Erdoǵan telefon arqyly sóılesti, dep habarlaıdy “Adyrna” ulttyq portaly.
Memleket basshylary bir-birin Oraza aıt merekesimen quttyqtap, eki baýyrlas eldiń halqyna beıbitshilik, bereke jáne órkendeý tiledi.
Áńgimelesý barysynda qazaq-túrik strategııalyq áriptestigin odan ári nyǵaıtýǵa degen berik ustanym rastaldy.
Resmı málimdemede eki el arasyndaǵy saýda-ekonomıkalyq jáne mádenı-gýmanıtarlyq yntymaqtastyqty ilgeriletýge yqpal etetin joǵary deńgeıdegi saıası dıalogty belsendi túrde jalǵastyrýdyń mańyzdylyǵy atap ótildi.
Memleket basshylary sondaı-aq halyqaralyq uıymdar aıasynda ótetin aldaǵy kezdesýlerdiń kestesin talqylady.
Eske sala keteıik, Túrkııada sońǵy ýaqytta bılikke qarsy iri narazylyqtar ótýde. Stambýldaǵy mıtıngilerge júz myńdaǵan adam qatysqan. Narazylyqtar barysynda 1900-ge jýyq adam ustalyp, olardyń 260-y sot sheshimin kútip qamaýda otyr. Jergilikti bılik 1 sáýirge deıin jınalystar men mıtıngilerge tyıym saldy.
