Túrkııadaǵy Respýblıkalyq halyq partııasynyń jetekshisi Ózgúr Ózel merziminen buryn saılaý ótkizý jáne prezıdent Rejep Taıyp Erdoǵanǵa senimsizdik bildirý úshin qol jınaý naýqanyn bastaǵanyn málimdedi, dep habarlaıdy “Adyrna” ulttyq portaly Cumhuriyet basylymyna silteme jasap.
Bul týraly ol 2,2 mıllıon adam qatysqan «Ekrem Imamoǵlyna bostandyq» atty jappaı mıtıngte aıtty.
Josparǵa sáıkes, erteńnen bastap Erdoǵanǵa senimsizdik bildirý men kezekten tys saılaý ótkizýdi qoldaıtyn azamattardan aýqymdy túrde qol jınaýdy bastaıdy. Naýqan aıasynda eldiń ártúrli qalalarynda mıtıngter uıymdastyrylmaq.
Kompanııanyń maqsaty – 2023 jylǵy saılaýda Erdoǵan alǵan 27,7 mıllıon daýysqa teń qol jınaý. Osy bastama aıasynda búkil el boıynsha mıtıngter ótkizýdi josparlap otyr.
Ózel túrmedegi saıasatkerler men qamaýdaǵy belsendilerge qoldaý bildirip, olardy dereý bosatýǵa shaqyrdy. Óz sózinde ol Stambýl meri Ekrem Imamoǵly, ultshyl «Jeńis» partııasynyń (Zafer Partisi) jetekshisi Úmit Ózdaǵ jáne 2016 jyldan beri saıası málimdemeleri úshin túrmede otyrǵan kúrd saıasatkeri Selahattın Demirtash bostandyqqa shyǵýy kerektigin talap etti.
