Mıanmada bolǵan joıqyn jer silkinisi saldarynan 694 adam qaza taýyp, 1670 adam jaraqat aldy, dep habarlaıdy “Adyrna” ulttyq portaly BBC agenttigine silteme jasap.
AQSh Geologııalyq qyzmetiniń málimetinshe, 28 naýryzda Mıanma aýmaǵynda magnıtýdasy 7,7 jáne 6,4 baldyq jer silkinisi tirkelgen. Jerasty dúmpýleri Qytaı men Taılandta da sezilip, Bangkoktaǵy salynyp jatqan záýlim ǵımarat qıraǵan.
Kóptegen aftershoktarǵa qaramastan, qutqarý jumystary túni boıy jalǵasýda. Mıanma bıligi halyqaralyq qaýymdastyqtan jer silkinisiniń saldaryn joıýǵa kómektesýdi surady. Qazirdiń ózinde Qytaı men Reseı elge qutqarýshylar men dárigerlerdi jibergen.
Eske sala keteıik, keshe Mıanmada 7,9 baldyq jer silkinisi tirkelip, Qazaqstan Prezıdenti Qasym-Jomart Toqaev Mıanma Premer-mınıstri Mın Aýn Hlaınǵa kóńil aıtý jedelhatyn joldaǵan bolatyn.
