Ulanbator qalasynyń azamattar ókilderiniń Hýralynyń kezekten tys besinshi sessııasynyń alǵashqy talqylaýynda metropolıten qurylysy jobasynyń jańartylǵan tehnıka-ekonomıkalyq negizdemesin (TEN) qoldaý máselesi kóterildi, dep habarlaıdy “Adyrna” ulttyq portaly MONAME-ge silteme jasap.
Azamattar ókilderiniń Hýraly músheleriniń basym bóligi bul qujatpen kelisti. Nátıjesinde Úkimetke qaýly jobasyn engizý týraly sheshim qabyldandy.
Azamattar ókilderiniń Hýralynyń múshesi jáne qarjy-ekonomıkalyq jobalar baǵdarlamasynyń úılestirýshisi L. Hosbaıardyń aıtýynsha, el astanasynda metro salý bastamasy alǵash ret 2011 jyly kóterilip, Úkimettiń № 411 qaýlysy qabyldanǵan. Jobalardy basqarý boıynsha konsaltıngtik qyzmetterge eki kezeńnen turatyn tender ótkizilip, nátıjesinde Ońtústik Koreıanyń jetekshi kompanııalary “Duha Engineering”, “Korail”, “Susong Engineering” jáne “Korea National Railway” kiretin koreı konsorıýmy tańdalǵan. Bul konsorıým óz jumysyn ótken jyldyń 5 shildesinde bastaǵan.
Metronyń birinshi jelisi 19,4 km qashyqtyqqa sozylyp, 15 stanııa men bir depodan turady. Ol Tolgoıt pen Amgalandy “Enhtaıvan” dańǵyly arqyly baılanystyrady. Onyń 19,1 km bóligi jáne 14 stanııasy jer astynda ornalassa, bir stanııa jer betinde salynady. Týnnelder men stanııalar “astynan joǵary” ádisimen jabyq tásilde salynbaq. Al tonnel qazý mashınasynyń tereńdigi 10-25 metr aralyǵynda bolady. Kásibı uıymdardyń baǵalaýynsha, metro qurylysynyń jobalyq quny 2,4 mıllıard AQSh dollaryn quraıdy. Onyń 97,7 paıyzy qurylys jumystaryna, al qalǵan bóligi tapsyrys berýshi tarapynan monıtorıng júrgizý jáne jer telimderin bosatý sııaqty basqa sharalarǵa jumsalady.
L. Hosbaıardyń aıtýynsha, jobany qarjylandyrýdyń 85 paıyzyn sheteldik kózderden tartý boıynsha belsendi jumystar júrgizilýde. Al qalǵan 15 paıyzy el astanasynyń bıýdjetinen bólinedi. Joba 28 mońǵol jáne 56 halyqaralyq standartqa sáıkes júzege asyrylady.
