QR SIM aqparaty boıynsha, Túrkııada júrgen qazaqstandyqtar ázirge konsýldyq kómekke júgingen joq, dep habarlaıdy "Adyrna" ulttyq portaly.
Qazaqstan Respýblıkasy Syrtqy ister mınıstriniń birinshi orynbasary Aqan Rahmetýllın Májiliste ótken brıfıngte qazaqstandyqtarǵa Túrkııaǵa saparlardy keıinge qaldyrýǵa keńes berdi.
Rahmetýllınniń aıtýynsha, QR SIM jáne Qazaqstannyń Túrkııadaǵy iri qalalardaǵy bas konsýldyqtary azamattarmen belsendi jumys istep, olardyń jappaı jınalatyn jerler men narazylyq akııalaryna barmaýyn qamtamasyz etýge tyrysýda.
"Árıne, saqtyq sharalary qajet. Biraq dál qazir múlde barýǵa bolmaıdy dep aıta almaımyn. Eger, mınıstrlik atynan emes, ózim týraly aıtsam, men kúter edim", – dedi sheneýnik.
Jýrnalısterdiń qazirgi ýaqytta Ystambulǵa barý múmkindigi týraly suraǵyna Rahmetýllın "qajetsiz" dep jaýap berdi.
Mınıstrlik málimetinshe, Túrkııada júrgen qazaqstandyqtar ázirge konsýldyq kómek suramaǵan.
Eske sala keteıik, 19 naýryz kúni Ystambul meri Ekrem Imamoǵlýna sybaılas jemqorlyq aıyby taǵylyp, ol qyzmetinen shettetildi. Osydan keıin jappaı narazylyq sherýleri bastaldy. Bes kún ishinde 1133 adam ustalyp, 123 polıııa qyzmetkeri jaraqat aldy.
